QIZIYI მე ♥ .: ქიზიყი :.

გიორგი სანაია 24 თებერვალს 37 წლის გახდებოდა – დოკ–ფილმი "სანაიას მკვლელობა"

2012-02-25T01:45:00.001+04:00

ჟურნალისტ სოფიკო ნიკოლაშვილის ადვოკატის მიმართვა

2012-02-24T23:23:00.000+04:00

სოფიკო ნიკოლაშვილის ადვოკატი მამუკა ნოზაძე საქმეზე ობიექტური და მიუკერძოებელი გამოძიების ჩატარებას ითხოვს. ადვოკატი ჟურნალისტებს, სახალხო დამცველს, პარლამენტარებსა და საზოგადოებრივ და პოლიტიკურ ორგანიზაციებს საქმის მონიტორინგს და რეაგირებას სთხოვს.

„გთხოვთ, რომ ამ შეთითხნილ საქმეზე აწარმოოთ მონიტორინგი, საჯაროდ დააფიქსიროთ თქვენი პოზიცია და საქმის დეტალების შესახებ შეატყობინოთ საერთაშორისო უფლებადამცავ ორგანიზაციებსა და დიპლომატიური კორპუსის წარმომადგენლებს, რომელთაც თქვენ პერიოდულად ხვდებით.

არსებული რეალობის გათვალისწინებით, მაშინ, როცა გამოძიება მიკერძოებულად მიმდინარეობს და მოსალოდნელია, რომ სასამართლო, რომელმაც ნიკოლაშვილის საქმე უნდა განიხილოს, ამჯერადაც ნოტარიუსის ფუნქციას შეასრულებს და დაამოწმებს იმას, რასაც პროკურატურიდან უბრძანებენ, სამართლებრივი ბრძოლის პარალელურად, ამ საქმეზე ჭეშმარიტების დადგენაში ქმედითი დახმარება მხოლოდ და მხოლოდ სახალხო დამცველის, ჟურნალისტების, პარლამენტარების და საქართველოში არსებული საზოგადოებრივი და პოლიტიკური ორგანიზაციების აქტიურობას შეუძლია. რასაკვირველია, სამართლებრივი ბრძოლის პარალელურად, რომელსაც ამჟამად ქმედითად ვახორციელებ“, - აცხადებს მიმართვაში მამუკა ნოზაძე.

ადვოკატს მიაჩნია, რომ სოფო ნიკოლაშვილი მსხვერპლია პოლიციის მხრიდან ძალადობისა. მისი განცხადებით, ნიკოლაშვილი კახეთის სამხარეო პოლიციის დეტექტივ - გამომძიებლმა გიორგი სიბაშვილმა გააუპატიურა, რომელსაც დღეს დაზარალებულის სტატუსი აქვს.

მამუკა ნოზაძის ინფორმაციით, მნიშვნელოვანია ის, რომ ე.წ. დაზარალებულის ძმა არის „ნაციონალური მოძრაობის“ გურჯაანის რეგიონალური ორგანიზაციის ახალგაზრდული ფრთის ლიდერი; მამა, გოჩა სიბაშვილი არის გურჯაანის პოლიციის უფროსის მოადგილე, ხოლო მამის ძმა, გიორგი სიბაშვილი კახეთში გუბერნატორის პირველი მოადგილეა.

ნიკოლაშვილი წინასწარ პატიმრობაში იმყოფება. მას ბრალად ედება განზრახ მკვლელობის მცდელობა და იარაღის უკანონო ტარება.

დედოფლისწყაროში სიმსივნით დაავადებულთა რეგისტრაციამ იმატა

2012-02-24T13:34:00.001+04:00

დედოფლისწყაროს მთავარი ონკოლოგის, ნუკრი ბაღაშვილის მონაცემების მიხედვით, სიმსივნით დაავადებულთა რეგისტრაციამ გასულ წლებთან შედარებით იმატა- ინფორმაციას გაზეთი "შირაქი” აქვეყნებს.

2009 წელს დედოფლისწყაროს რაიონში აღრიცხვაზე 40 პაციენტი იდგა, 2010 წელს – 37. 2011 წელს – 55. დაავადებულთაგან ქალებში მკერდის და საშვილოსნოს ყელის სიმსივნე დომინირებს, მამაკაცებში კი – ფილტვის, შემდეგ კუჭის და ღვიძლის დაავადებები მოდის.

გამოკვეთილი მატების ტენდენციის მიუხედავად, რაიონის მთავარი ონკოლოგი მიიჩნევს, რომ დედოფლისწყაროში მცხოვრები მოსახლეობის რაოდენობიდან გათვლილი პროცენტი საგანგაშო არ არის.

,,ეს ციფრი უშუალოდ ჩვენს კლინიკაში და სოფლის ამბულატორიებში დაფიქსირებული მაჩვენებელია. ადრე ერთი რესპუბლიკური ცენტრი არსებობდა, ამიტომ გვქონდა სრულად შესაძლებლობა აღგვერიცხა და საქმის კურსში ვყოფილიყავით. ახლა მრავალი საავადმყოფო გაიხსნა და თითქმის ყველას აქვს ონკოლოგიური განყოფილება. ასეთი სიტუაციაში მათგან ინფორმაციის მიღება პრაქტიკულად, შუძლებელია. ჩვენს მონაცემებში შეიძლება იყოს ცდომილება, მაგრამ სხვაობა დიდი ნამდვილად არ იქნება. რაც შეეხება 2010 და 2011 წლების სხვაობას, რომელიც სხვა წლებთან შედარებით გაზრდილია და 18 ერთეულს შეადგენს, ვფიქრობ ეს სადაზღვევო პოლისების ზრდამ გამოიწვია. ხალხს ეკონომიუად უჭირს და ვიდრე ავადმყოფობა არ შეაწუხებს, იქამდე თავს იკავებს ექიმთან მისვლისაგან, სადაზღვევო პოლისი კი მათ ეხმარება," - აღნიშნავს ნუკრი ბაღაშვილი.

კირქვის კარიერებისა და კირის საამქროების სიმრავლისა, თუ რუსულ სამხედრო ბაზებზე დანატოვარი რადიაციული ნივთიერებების გამო დედოფლისწყაროს მუნიციპალიტეტის ტერიტორია სიმსივნური დაავადებების გავრცელების თვალსაზრისით მაღალი რისკის ზონას მიეკუთვნება. /ქიზიყი/

გამოხმაურება: ჯეონიუსი ; ნიუსლაინი

დედოფლისწყაროში სიმსივნით დაავადებულთა რეგისტრაციამ იმატა

2012-02-24T11:41:00.001+04:00

მასშტაბური გაწმენდითი სამუშაოები სარეზერვო ფონდიდან დაფინანსდა

2012-02-24T04:22:00.004+04:00

დედოფლისწყაროს დასუფთავების სამსახურის, შ.პ.ს „სერვისი – 2007“–ის მიერ ორი ერთეული ტექნიკით თოვლის საფარისგან გაიწმინდა ქალაქ დედოფლისწყაროს და სოფლების – სამრეკლოსა და ხორნაბუჯის (ყოფილი ჯაფარიძე და წითელწყარო) შიდა გზები. როგორც „ქიზიყს“ მუნიციპალიტეტის გამგეობიდან აცნობეს, გაწმენდილია სასაფლაოების მისასვლელი გზები, სკოლების, საავადმყოფოსა და სხვა სასიცოცხლო ობიექტების მიმდებარე ტერიტორიები. მათი მტკიცებით, ქალაქ დედოფლისწყაროს ტერიტორიაზე გადაადგილება შეუფერხებლად ხორციელდება.

როგორც „ქიზიყმა“ გაარკვია, დამატებითი, არაგეგმიური სამუშაოები მუნიციპალიტეტის სარეზერვო ფონდიდან დაფინანსდა. როგორც დედოფლისწყაროს მუნიციპალიტეტის საკრებულოს თავმჯდომარე ლევან ბაღაშვილმა განაცხადა, დიდთოვლობასთან დაკავშირებული პრობლემების მოსაგვარებლად, საკრებულოს №6 განკარგულებით, თანხა ადგილობრივი ბიუჯეტის სარეზერვო ფონდიდან გამოიყო, რომელიც გზების თოვლისა და ყინულისაგან გაწმენდის სამუშაოებს მოხმარდა.

საგანგებო ვითარებისა და უამინდობის გამო დედოფლისწყაროს საკრებულომ 10 თებერვალს რიგგარეშე სხდომა გამართა. /ქიზიყი/

დასუფთავების სამსახური კიდევ 5 სოფელს მოემსახურება

2012-02-23T15:42:00.000+04:00

დასუფთავების სამსახური ამიერიდან დედოფლისწყაროს კიდევ 5 სოფელში იმუშავებს. ამის შესახებ „ქიზიყს“ მუნიციპალიტეტის გამგეობიდან აცნობეს. როგორც გამგეობის პრესასთან ურთიერთობის სპეციალისტი ანა ბენაშვილი აცხადებს, მიმდინარე წლის თებერვლიდან მუნიციპალიტეტის გამგეობამ შპს ,,სერვისი-2007“-თან კიდევ ერთი ხელშეკრულება გააფორმა, რის საფუძველზეც მას დაეკისრა საყოფაცხოვრებო ნარჩენების გატანა კიდევ 5 სოფლიდან.

როგორც „ქიზიყმა“ გაარკვია, უკვე შედგენილია გრაფიკიც, რომლის მიხედვითაც თითო დღე კვირაში თითო სოფელს დაეთმობა. წინასწარ გაწერილი გეგმის თანახმად, ორშაბათობით მომსახურეობა გაეწევა სოფელ ზემო მაჩხაანს, სამშაბათობით – მირზაანს, ოთხშაბათს – არბოშიკს, ხუთშაბათს – ოზაანს, ხოლო პარასკევს – გამარჯვებას.

„ბოლო წლებში საგრძნობლად გაუმჯობესდა ქალაქ დედოფლისწყაროს სოფლების: სამრეკლოს და ხორნაბუჯის ტერიტორიებიდან საყოფაცხოვრებო ნარჩენების გატანისა და დამუშავების მდგომარეობა, რაც დედოფლისწყაროს მუნიციპალიტეტის ხელმძღვანელობის და მუნიციაპლიტეტის გამგეობასთან არსებული შპს ,,სერვისი-2007“-ის წარმატებული მუშაობის შედეგია. აღნიშნული ორგანიზაცია აღჭურვილია სჭირო სპეცტექნიკით და სათანადო ხელშეკრულების საფუძველზე ახორციელებს მომსახურეობას,“ – აცხადებენ დედოფლისწყაროს გამგეობაში.

როგორც ჩამოთვლილი სოფლის მაცხოვრებლები ჟურნალისტებთან საუბარში აცხადებენ, სიახლე დედოფლისწყაროს პერიფერიებში ანტისანიტარიის პრობლემას ბევრად გააუმჯობესებს.

არასამთავრობო და გარემოსდაცვითი ორგანიზაციების რეკომენდაციის თანახმად, დედოფლისწყაროს, როგორც გაუდაბნოებისკენ მიდრეკილ მუნიციპალიტეტში, ნაგვის გატანის საკითხი პრინციპულად მნიშვნელოვანია.

არასამთავრობო ორგანიზაცია „საქართველოს მწვანეთა მოძრაობა - დედამიწის მეგობრების“ ხელმძღვანელის ნინო ჩხობაძის განცხადებით, დედოფლისწყარომ გაუდაბნოებასთან საბრძოლველად სხვა ნაბიჯებთან ერთად საყოფაცხოვრებო ნარჩენების მართვასაც დიდი ყურადღება უნდა მიაქციოს. მისი თქმით, საქართველოს სხვა რეგიონებისგან განსხვავებით დედოფლისწყაროს ხელმძღვანელობას ამ მხრივ გაცილებით მეტი დაფიქრება მართებს. /ქიზიყი/

თამაზ თამაზაშვილმა ბრალის აღიარებასა და საპროცესო შეთანხმების გაფორმებაზე უარი თქვა

2012-02-23T03:23:00.004+04:00

EXCLUSIVE - კახეთის პოლიციის ყოფილმა უფროსმა თამაზ თამაზაშვილმა, რომელიც რამდენიმე თვის წინ დააკავეს, პროკურატურის მიერ წაყენებული ბრალი არ აღიარა და აღკვეთის ღონისძიების სახით საპროცესო შეთანხმების გაფორმებაზე უარი თქვა. თბილისის საქალაქო სასამართლო საქმის განხილვას 24 თებერვალს რიგით მეშვიდე სხდომაზე მოწმეთა დაკითხვით განაგრძობს.

ნეტგაზეთ „ქიზიყის“ ინფორმაციით, სასამართლო სხდომაზე დედოფლისწყაროს გამგეობის თანამშრომლები გია ჯერვალიძე და გიორგი ფოცხვერაშვილი დაიკითხნენ, რომლებიც ქალაქ დედოფლისწყაროში ძნელაძის ქუჩაზე მდებარე თამაზაშვილის ბინის ჩხრეკას მოწმის სტატუსით ესწრებოდნენ.

„თავად თამაზაშვილიც და მეც, როგორც მისი ინტერესების დამცველი, მის დაკავებას პოლიტიკურ დევნად ვაფასებთ, რადგან მისთვის ივანიშვილის განცხადებამდე არავის არანაირი კითხვა არ გასჩენია. მოწმეთა ნახევარი ამჟამად უკვე დაკითხულია. ყველაზე საინტერესო ის გახლავთ, რომ მის საცხოვრებელ სახლში იარაღის აღმოჩენის დროს დედოფლისწყაროს გამგეობის და პოლიციის თანამშრომლები დაისწრეს მოწმის სახით. ანუ ის ხალხი, ვინც უყოყმანოდ დაემორჩილებოდა მათ და იტყოდა, რომ იარაღი ნამდვილად ნახეს. ანუ, ჩხრეკას ხელიუფლების წარმომადგენლები ესწრებოდნენ და რაც დაულაგეს, იმას მოაწერეს ხელი... გამგეობის თანამშრომლებმა თქვეს, არ გვინდოდა, მაგრამ მოწმედ წასვლა გვაიძულესო. დაკავების შემდეგ თამაზ თამაზაშვილზე არანაირ ზეწოლას ადგილი არ აქვს, თვითონ ჯანმრთელად არის, თავს მხნედ გრძნობს და ყველა კანონიერი საშუალებებით აპირებს სამართლიანობისთვის ბოლომდე იბრძოლოს და განუკითხაობას არ შეეგუოს,“ – განუცხადა „ქიზიყს“ დაკავებულის ადვოკატმა შალვა თადუმაძემ.

ახალი კოდექსით, პროკურატურა სასჯელის კონკრეტულ ზომას აღარ ასახელებს, მხოლოდ დამნაშავედ ცნობას ითხოვს და სასჯელს სასამართლო განსაზღვრავს.

თამაზ თამაზაშვილი ბიძინა ივანიშვილის უახლოესი მრჩევლის, "ქართული ოცნების" საინიციატივო ჯგუფის წევრისა და საქველმოქმედო ფონდი "ქართუ"–ს პრეზიდენტის ირაკლი ღარიბაშვილის სიმამრია. თამაზაშვილი, მეტსახელად „ძიგო“ 2011 წლის 10 ოქტომბერს ივანიშვილის გააქტიურების შემდეგ დააკავეს. ის შს კახეთის სამხარეო პოლიციას 2000-2002 წლებში ხელმძღვანელობდა, ხოლო 1997–2000 წლებში დედოფლისწყაროს პოლიციის სამმართველოს უფროსის თანამდებობაზე მუშაობდა.

ბიძინა ივანიშვილის განმარტებით, ხელისუფლებამ თამაზაშვილი მძევლად აიყვანა. ივანიშვილის ადვოკატის ეკა ბესელიას განცხადებით კი, კახეთის სამხარეო პოლიციის ყოფილი უფროსი თამაზ თამაზაშვილი უკანონოდ არის დაკავებული. ცნობისთვის, ექს–ძალოვანის დაკავებიდან რამდენიმე დღეში დედოფლისწყაროს რაიონის სოფელ ლენინოვკაში, თამაზაშვილის საცხოვრებელი სახლი დაიწვა. /ქიზიყი/

გამოხმაურება: მედიანიუსი ; ჯეონიუსი ; ნიუსლაინი

ექსპერტების აზრით, ხელისუფლებას შეეძლო ვაუჩერებში დახარჯული თანხით დედოფლისწყარო გაუდაბნოებისგან გადაერჩინა

2012-02-22T21:01:00.000+04:00

2011 წლიდან დღემდე მთავრობამ ვაუჩერებისთვის 77,679 მილიონი ლარი დახარჯა. ექსპერტების განცხადებით, აღნიშნულმა თანხამ გაჭირვებულთა პრობლემები უმნიშვნელოდაც კი ვერ გადაჭრა.

„არადა ხელისუფლებას 77 მილიონი ლარი შეეძლო უფრო გონივრულად გამოეყენებინა, თუნდაც სოფლის მეურნეობაში - სარწყავი სისტემის მოწესრიგებისთვის, ან გაუდაბნოებული დედოფლისწყაროს რაიონის გადასარჩენად. ეს ყველაფერი ისევ მოსახლეობის საკეთილდღეოდ გაკეთდებოდა“, - წერს გაზეთი „რეზონანსი“.

„შარშან თებერვალში ენერგოვაუჩერებისთვის სახელმწიფო ბიუჯეტიდან 20 მილიონი ლარი გამოიყო, სასურსათო ვაუჩერი ბიუჯეტს 31,429 მილიონი ლარი დაუჯდა. შემოდგომას თბილისის მერიამ მოსახლეობისთვის 5-ლარიანი სატრანსპორტო ვაუჩერი მოიფიქრა. 5-ლარიანი ვაუჩერი 1 050 000 სამგზავრო ბარათზე ჩაირიცხა, შესაბამისად, თბილისის მერიამ ამ საჩუქრისთვის 5,250 მილიონი ლარი გაიღო. შარშან, სულ ვაუჩერებში 53,679 მილიონი ლარი დაიხარჯა. დეკემბერში კი ხვნა-თესვის პრობლემის გადასაჭრელად მორიგი 30-ლარიანი ვაუჩერი დაიბეჭდა, რომლის დაფინანსებაც (24 მილიონი ლარი) 2012 წლის ბიუჯეტს ხვდა წილად“, - აღნიშნავს გამოცემა.

„კიდევ ერთხელ ვიმეორებ, ეს არის პიარისთვის დახარჯული თანხა. თუ ხელისუფლება ხალხზე მართლა ზრუნავს, ამ მილიონებს თუნდაც სარწყავი წყლის სისტემის მოწესრიგებისთვის გამოიყენებდა, მოურწყველობის გამო მოსავლიანობა ყოველწლიურად მცირდება; ანდა გაუდაბნოებულ დედოფლისწყაროს უშველიდა“, - ამბობს ექსპერტი ზვიად კანდელაკი „რეზონანსთან“ საუბარში.

გაზეთის ცნობით, ამ ეტაპზე, გათვლები არ დასრულებულა პრეზიდენტის კიდევ ერთ სოციალურ ინიციატივაზე. შეგახსენებთ, რომ მიხეილ სააკაშვილის თქმით, ამოქმედდება საპრეზიდენტო პროგრამა „ღიმილიანი საქართველო“, რომელიც ხანდაზმულებისთვის უფასო სტომატოლოგიურ მომსახურებას ითვალისწინებს. „დავუპლომბოთ“, ჩავუსვათ, გავუპრიალოთ ყველას კბილები, რომ კარგ ხასიათზე იყვნენ და სულ იღიმებოდნენ... როცა ადამიანს კბილებთან დაკავშირებული პრობლემა აქვს, მუშაობის ხალისი ეკარგება, ღიმილის ხალისი ეკარგება და საერთოდ, ცხოვრებაზე სხვა წარმოდგენა აქვს“, - განაცხადა სააკაშვილმა ცოტა ხნის წინ.

ფონდი "ქართუ"–ს პრეზიდენტმა ირაკლი ღარიბაშვილმა დედოფლისწყაროში საქმიანი შეხვედრები გამართა

2012-02-21T10:40:00.000+04:00

EXCLUSIVE - ბიძინა ივანიშვილის "ქართული ოცნების" საინიციატივო ჯგუფის წევრი, საერთაშორისო საქველმოქმედო ფონდი "ქართუ"–ს პრეზიდენტი ირაკლი ღარიბაშვილი დედოფლისწყაროს ეწვია. როგორც ღარიბაშვილმა „ქიზიყს“ განუცხადა, დედოფლისწყაროში ის სამუშაო ვიზიტით იმყოფებოდა და ოფისის დაცლასთან დაკავშირებულ პრობლემებს და სხვა საორგანიზაციო საკითხებს ეხებოდა.

„ქიზიყის“ ექსკლუზიური ინფორმაციით, ღარიბაშვილს თან ახლდა მისი ცოლისძმა, სკანდალურად დაკავებული, კახეთის სამხარეო პოლიციის ყოფილი უფროსის, თამაზ თამაზაშვილის ვაჟი, ლექსო თამაზაშვილიც.

ცნობილია, რომ „ქართული ოცნება“ დედოფლისწყაროს რაიონში ოფისის გარეშე დარჩა. ოფისის მეპატრონემ, ქალაქ დედოფლისწყაროს ტერიტორიული ორგანოს რწმუნებულმა იოსებ უზუნაშვილმა „ქართულ ოცნებასთან“ დადებული ექვსთვიანი ხელშეკრულება ხელმოწერიდან მეორე დღესვე გააუქმა.

„დედოფლისწყაროში ოფისი აუცილებლად გაიხსნება და კოალიცია იმუშავებს. სავარაუდოდ, მარტის დასაწყისში გახდება ცნობილი „ქართული ოცნების“ თავმჯდომარის ვინაობა დედოფლისწყაროში და ყველა დეტალი სწორედ მაშინ გახმაურდება. ამჯერად, გადაწყვეტილებების მიღების პროცესში ვართ. დედოფლისწყაროში ჩამოვედი და საქმიანი შეხვედრები მქონდა სხვადასხვა ადამიანებთან. სულ მალე დედოფლისწყაროში ჩვენი შტაბი გაიხსნება, “ – ექსკლუზიურად განუცხადა „ქიზიყს“ ირაკლი ღარიბაშვილმა.

ქალაქ დედოფლისწყაროში, ჰერეთის ქუჩაზე მდებარე იმავე შენობაში, სადაც „ქართულ ოცნებას“ ხელშეკრულება შეუწყვიტეს, „ქიზიყის“ ინფორმაციით, გარკვეულ კომერციულ ფართს ფლობს თამაზ თამაზაშვილი. ერთ–ერთი ვერსიით, ოფისის დაცლის შემდეგ ივანიშვილის მოძრაობა იმავე შენობის პირველ სართულზე თამაზაშვილის სუპერმარკეტის ფართს დაიკავებს. ამ ფაქტს ღარიბაშვილი არც უარყოფს და არც ადასტურებს. დედოფლისწყაროში ყოფნისას ღარიბაშვილი და თამაზაშვილი სწორედ ამ სუპერმარკეტში დააფიქსირეს.

„რესპუბლიკური პარტიის“ დედოფლისწყაროს ორგანიზაციის ხელმძღვანელი ნოდარ ტოკლიკიშვილი ადასტურებს, რომ ორშაბათს, 20 თებერვალს ირაკლი ღარიბაშვილს ოფისის მიმდებარე ტერიტორიაზე შეხვდა.

სოფელ წითელწყაროს ტერიტორიული ორგანოს ექს–რწმუნებულის, ტარიელ ღარიბაშვილის ვაჟი, ირაკლი ღარიბაშვილი ახლახან დასახელებული „ქართული ოცნების“ საინიციატივო ჯგუფის ხუთეულში შედის. ის დედოფლისწყაროს რაიონში დაიბადა და გაიზარდა. /ქიზიყი/ ილია მარტყოფლიშვილი

ზემო ქედში, არხილოსკალოსა და ქალაქ დედოფლისწყაროში უნარშეზღუდულ მოზარდებს ეტლები გადასცეს

2012-02-20T20:32:00.001+04:00

სოფელ ზემო ქედში, არხილოსკალოსა და ქალაქ დედოფლისწყაროში რამდენიმე უნარშეზღუდულ მოზარდს მუნიციპალიტეტის ხელმძღვანელებმა საჩუქრად ეტლები გადასცეს.

როგორც „ქიზიყს“ საკრებულოს თავმჯდომრის მოადგილე ზაზა ფიროსმანაშვილმა განუცხადა, ეტლების შესაძენად მუნიციპალიტეტმა სახსრები თავად გამონახა.

19 თებერვალს შეზღუდული შესაძლებლობების მქონე ბავშვებს დედოფლისწყაროს მუნიციპალიტეტის გამგებელი ნიკოლოზ შანშიაშვილი, საკრებულოს თავმჯდომარის მოადგილე ზაზა ფიროსმანაშვილი და გამგეობის ჯანმრთელობისა და სოციალური დაცვის სამსახურის უფროსი ივანე ხელაშვილი ესტუმრნენ. მათ სოფელ არხილოსკალოში 8 წლის გოგა ბუჩუკურს, ზემო ქედში 6 წლის ნატო ვეშაგურს, ხოლო ქალაქ დედოფლისწყაროში 14 წლის მალხაზ ლურსმანაშვილს ადგილობრივი ხელისუფლების საჩუქარი საცხოვრებელ სახლში მიუტანეს და მათი პრობლემები პირადად მოისმინეს.

„მოგეხსენებათ, დედოფლისწყაროში საქველმოქმედო ფონდი „ნუგეში“ მოქმედებს, სადაც ჩვენი ხელფასიდან შემოწირულობას ვაკეთებთ. ამჯერად, ჩვენი ძალებით სამი ეტლის შეძენა მოვახერხეთ. შესაძლოა, მათზე გაჭირვებული სხვაც მრავლად იყო, მაგრამ წონების მიხედვით გადავეცით. უზომოდ შეჭირვებული ყოფა აქვთ, ადგილზე ჩასულებს ძალიან მძიმე ვითარება დაგვხვდა, რამაც ჩვენზე ემოციური გავლენა იქონია. ეტლის შეძენა საკმაოდ სოლიდურ თანხებს უკავშირდება, თუმცა მომავალშიც მაქსიმალურად ვეცდებით, რომ მსგავსი ტიპის საქველმოქმედო აქციები კვლავაც გაგრძელდეს და ყველა უნარშეზღუდულს ყოფა შევუმსუბუქოთ,“ – აცხადებს ზაზა ფიროსმანაშვილი.

სოფელ არხილოსკალოში მცხოვრები ბუჩუკურების მრავალშვილიან ოჯახში აცხადებენ, რომ მათი ეტლი მწყობრიდან გამოვიდა, რის გამოც მცირეწლოვანი უნარშეზღუდული შვილის გადაადგილება, უკვე მერამდენე თვეა, ნათხოვარი ეტლით უხდებოდათ. სიღატაკის ზღვარს ქვემოთ მყოფ ოჯახს უკვე მეორე თვეა სოციალური სააგენტოდან ყოველთვიური საარსებო შემწეობაც შეუწყდა, რამაც მათი ყოფა კიდევ უფრო გაართულა.

„ოთხი შვილი მყავს, სამი გოგონა და ერთი ბიჭი, ბიჭს ცერებრალური დამბლა აქვს. ძალიან ცუდ დღეში ვიყავით, ეტლი რომ გაფუჭდა, ვეღარაფერს ვახერხებდით. არადა ბავშვი რაც იზრდება ყოველდღიურად უფრო მძიმდება და კისერზე ჩამოკიდებულს მისი გადაადგილება გვიჭირდა. სხვა გზა რომ არ გვქონდა ეტლი ნათესავს ვეთხოვეთ, თუმცა ისიც საკმაოდ მოძველებული იყო. ამასწინათ, სოფლის ამბულატორიაში მკითხეს, ეტლი თუ გჭირდებათო და ჩვენი მდგომარეობა დაწვრილებით ავუხსენი. იმედი არ მქონდა, რომ დამეხმარებოდნენ, თუმცა მოულოდნელად გამგეობიდან გვესტუმრნენ და ეს საჩუქარი მოგვიტანეს. ძალიან კმაყოფილი ვართ, რადგან ეს ეტლი ახალია და ამ მხრივ პრობლემები აღარ გვექნება. მადლობის მეტი არაფერი გვეთქმის, სტუმრებმა ძალიან გაგვახარეს. ჩვენი სახსრებით ეტლის შეძენას ვერსაოდეს მოვახერხებდით და ვიყავით ასე ღვთის ანაბარა... აქამდე სოციალურ დახმარებას ვიღებდით, თუმცა ერთ თვეზე მეტია, რაც შეწყდა. მიზეზად ის დაასახელეს, რომ ჩემი მეუღლე დროებით ოჯახიდან წასული იყო და ამის გამო დახმარება შეგვიწყდა. არადა, ოჯახს არანაირი შემოსავალი არ აქვს. საჭმელს, წამალს და ყველაფერს დახმარების სახით აღებული ფულით ვყიდულობდი. ბავში ისევ პამპერსს ხმარობს, ამას გარდა უამრავი პრეპარატი ესაჭიროება. თქვენ წარმოიდგინეთ, ფქვილსაც მისი პენსიით ვყიდულობთ ხოლმე. ორი წელია, რაც სიღარიბის დაძლევის პროგრამით სოციალური სააგენტოდან დახმარებას ვიღებდი, გასულ თვეს უკვე ვეღარ ავღე და ამჯერად შეჩერებული გვაქვს. არ ვიცი, ამიერიდან რა გვეშველება. ჩვენი საცხოვრებელი სახლიც ძალზე ცუდ ვითარებაშია. სახლის უკანა ნაწილი მორყეულია, კედლები თოვლის გამო გადაწეულია და მეშინია არ ჩამოინგრას და მცირეწლოვანი ბავშვები ქვეშ არ მოიყოლოს. შიშით ვერც სამზარეულოში შევდივარ. საძინებელში სველი კედლებია, სულ ნესტიანდება ყველაფერი,“ – აცხადებს „ქიზიყთან“ საუბარში უნარშეზღუდული მოზარდის დედა, სოფელ არხილოსკალოს მკვიდრი დალი ბუჩუკური.

ქალაქ დედოფლისწყაროში, ჭავჭავაძის ქუჩაზე მცხოვრები ერთ–ერთი უნარშეზღუდული მოზარდის, 14 წლის მალხაზ ლურსმანაშვილის ოჯახი მარჩენალდაკარგულია. შეგახსენებთ, მოზარდის მამა 45 წლის ზურაბ ლურსმანაშვილი 2011 წლის 18 სექტემბრის საღამოს ელიას მთაზე მდებარე ტაძრის ჯებირიდან გადავარდა და ადგილზე გარდაიცვალა.

როგორც დედოფლისწყაროს საკრებულოში განმარტავენ, ადგილობრივი ხელისუფლება მაქსიმალურად ეცდება ამგვარი საქველმოქმედო აქციები კვლავაც აქტიურად გაგრძელდეს. /ქიზიყი/ ილია მარტყოფლიშვილი

,,პალიტრა-L”-ი დედოფლისწყაროში წიგნების გამოფენა-გაყიდვას გამართავს

2012-02-20T20:30:00.000+04:00

28-29 თებერვალს, ქალაქ დედოფლისწყაროს №1 საჯარო სკოლაში, დედოფლისწყაროს მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით და ერთ–ერთი ყველაზე პოპულარული წიგნის გამომცემლობა ,,პალიტრა-L”-ის ინიციატივით წიგნების გამოფენა-გაყიდვა მოეწყობა.
როგორც დედოფლისწყაროს გამგეობის კულტურის სამსახურიდან ნეტგაზეთ „ქიზიყს“ აცნობეს, დედოფლისწყაროში დაგეგმილი ორდღიანი გამოფენის თემატიკა საკმაოდ მრავალფეროვანი იქნება: საბავშვო, სათავგადასავლო, ბესტსელერები, ტომეულები – ქართველი და უცხოელი ავტორების ხუთასზე მეტი დასახელება ქართულ, ინგლისურ და რუსულ ენებზე.
ორგანიზატორების ცნობით, ფასები 1 ლარიდან 30 ლარამდე მერყეობს. ასე, რომ წიგნის მოყვარულებს ქალაქის №1 საჯარო სკოლაში დიდი სიურპრიზი ელით. /ქიზიყი/

სოციალური სააგენტოს უფროსად ზურაბ ზურაშვილი დანიშნეს

2012-02-20T10:03:00.000+04:00

დედოფლისწყაროს სოციალური მომსახურების სააგენტოს უფროსმა ზურაბ ნატროშვილმა და მისმა მოადგილე ზურა ზურაშვილმა თანამდებობები გაცვალეს. ისინი საკადრო ცვლილების მიზეზებზე მედიასთან არ საუბრობენ, თუმცა აცხადებენ, რომ ასეთი გადაწყვეტილება მათმა ხელმძღვანელებმა მიიღეს.

სააგენტოს ახლადდანიშნული უფროსი ზურა ზურაშვილი „ქიზიყთან“ საუბარში ამბობს, რომ ახლო მომავალში რაიმე სახის საკადრო ცვლილებებს არ გეგმავს. მისი თქმით, თანამდებობაზე დანიშვნის შემდეგ რადიკალური და კონკრეტული გეგმები არ აქვს და ყველაფერი ჩვეულ რიტმში გაგრძელდება.

„განსაკუთრებულს არაფერს ვგეგმავთ, ჩვეულებრივ ვიმუშავებთ. ჩვენი თანამშრომლები ჩვეული წესით მუშაობენ. მოსახლეობის პრეტენზიები ჩვენს მიმართ და უკმაყოფილება გასაგებია, თუმცა ერთიანი სისტემით ვმოქმედებთ და ბევრი გადაწყვეტილების მიღება ჩვენზე არ არის დამოკიდებული. შესაძლოა, დედოფლისწყაროელი სოციალური აგენტების უსამართლო ქმედებებიც დაფიქსირებულა, თუმცა რაც მე ვარ ასეთ ფაქტს ვერ ვიხსენებ. მაგრამ, აგენტების ნაწილმა სამსახური დატოვა და ამჟამად სულ ახალი შემადგენლობა გვყავს. რა ვიცი, მაქსიმალურად ვეცდებით, სოციალურად დაუცველ მოქალაქეებს კეთილსინდისიერად მოვემსახუროთ,“ – განუცხადა „ქიზიყს“ სააგენტოს ხელმძღვანელმა.

ზურა ზურაშვილი სოციალურ სააგენტოში 2005 წლიდან მუშაობს. დამთავრებული აქვს თბილისის ბიზნესის და მარკეტინგის უმაღლესი ინსტიტუტი – ეკონომისტის სპეციალობით.

"ქიზიყის" ინფორმაციით, სავარაუდოდ, ნატროშვილის ზურაშვილით ჩანაცვლება არაეფექტურ მუშაობას უკავშირდება. უნდა აღინიშნოს, რომ ყოფილი ხელმძღვანელის მუშაობის პერიოდს დედოფლისწყაროს სოციალურ სააგენტოში არაერთი სკანდალი უკავშირდება.
ცნობისთვის: ადგილობრივი სააგენტოს უსამართლო მუშაობასა და იქ არსებული განუკითხაობის თაობაზე მოქალაქეებმა ყურადღება დედოფლისწყაროში ჩამოსულ „ნაციონალური მოძრაობის“ ლიდერებთან გამართულ შეხვედრაზეც გაამახვილეს და ვითარების გამოსწორებაში დახმარება ითხოვეს. სოფელ სამრეკლოში 16 თებერვალს შეკრებილმა მოსახლეობამ სააგენტოს წარმომადგენლებს ირონიული ტონით „აგენტები“ უწოდა.
წინა ხელმძღვანელის მმართველობის პერიოდში უკმაყოფილო მოქალაქეების ცხოვრების და შენიშვნების ამსახველი ინფორმაციები დედოფლისწყაროდან თითქმის ყოველდღიურად ვრცელდებოდა. სოფელ გამარჯვებაში მცხოვრები ონკოლოგიური ავადმყოფი ცოლ–ქმარი შალვა და ევგენია ხარაშვილები სოციალური მომსახურების სააგენტოს ყოფილ უფროსს უპირისპირდებიან და პირადი ინტერესებით მუშაობაში ადანაშაულებენ: „4 ქათამი გყავთ და დახმარება აღარ გეკუთვნითო. სოც-აგენტმა გია გუგენიშვილმა სიტყვიერი შეურაცხყოფაც მომაყენა და დაუმსახურებლად შეგვიწყვიტეს დახმარება,“ – აცხადებენ ხარაშვილები.
ზურა ნატროშვილმა განმარტა, რომ ხარაშვილმა, რომელიც შრომის გმირია, 40 წლის წინ ჯილდოდ ავტომანქანა მიიღო, რომელიც დეკლარაციაში წერია და დახმარების შეწყვეტა ამან გამოიწვია. ძველისძველი ავტომანქანა ხარაშვილებს მაშინაც ჰყავდათ, როდესაც დახმარება დაენიშნათ, თუმცა მაშინ ამას სააგენტოსთვის ხელი არ შეუშლია...

სხვათაშორის, სააგენტოს კახეთის რეგიონალური ხელმძღვანელიც ჟურნალისტებთან საუბარში არაერთხელ ადასტურებდა, რომ დედოფლისწყაროში ამ კუთხით უსამართლობას ხშირად ჰქონდა ადგილი, რის გამოც ნატროშვილის გათავისუფლების თაობაზე ხმები რამდენჯერმე გავრცელდა. დაფიქსირდა ისეთი ფაქტიც, როდესაც აგენტების მიკერძოებული მიდგომის შედეგად დედოფლისწყაროში ლესელიძის ქუჩაზე ფინანსურად საკმაოდ შეძლებული მეწარმის ოჯახი ღატაკებისთვის განკუთვნილ საარსებო შემწეობას იღებდა.
კატასტროფულად ხშირად ფიქსირდებოდა ისეთი ფაქტებიც, როდესაც უკიდურეს სიდუხჭირეში მცხოვრები მარტოხელა, ან ღატაკი მოქალაქეები მოულოდნელად დახმარების გარეშე რჩებოდნენ და ადგილობრივი სააგენტო ფულად შემწეობას მათ აბსურდული მიზეზით უჩერებდა.

ყველაფრის მიუხედავად, ზურაბ ნატროშვილი სააგენტოში ადგილობრივი ფილიალის ხელმძღვანელის მოადგილის პოზიციაზე კვლავაც განაგრძობს მუშაობას, რასაც დედოფლისწყაროში მწვავე შეფასებები მოჰყვა.

დედოფლისწყაროში მოქმედი ოპოზიციური პარტიებისა და რეგიონში მომუშავე არასამთავრობო სექტორის წარმომადგენლები ზურაბ ნატროშვილის მუშაობას უარყოფითდ აფასებენ და მიიჩნევენ, რომ ის ამ სფეროსთვის უნდა ჩამოეშორებინათ. /ქიზიყი/ ილია მარტყოფლიშვილი

ბრძოლა წესების გარეშე – დედოფლისწყაროელები კავკასიის პირველობაზე

2012-02-19T00:46:00.000+04:00

2012 წლის 11–12 თებერვალს თბილისში, DKD დარბაზში ჩატარდა კავკასიის პირველობა სპორტულ სახეობებში, ბრძოლა K1-ის წესებით და თავისუფალი ბრძოლები, ანუ ბრძოლა წესების გარეშე. შეჯიბრში მონაწილეობდა საქართველოს რამდენიმე კლუბი, აზერბაიჯანის და სომხეთის კლუბები. მიწვეული იყო და თავისი ძალები მოსინჯა სოფელ ზემო მაჩხაანის აღმოსავლური ბრძოლების გუნდმა, რომელსაც გენადი ნატროშვილი წვრთნის. უნდა აღინიშნოს, რომ ეს გუნდი სულ ოთხი თვეა რაც ვარჯიშობს.

შეჯიბრში მაჩხაანიდან გუნდის ორი ახალბედა წევრი მონაწილეობდა, გამოუცდელობის მიუხედავად მათ კარგად იბრძოლეს, თუმცა საპრიზო სამეულში ვერ მოხვდნენ.
შეჯიბრზე მაღალი ოსტატობა აჩვენეს და საპრიზო ადგილებიც მოიპოვეს ზემო მაჩხაანის აღმოსავლური ბრძოლების გუნდის გამოცდილმა სპორტსმენებმა. რომელთა სახელები და მიღწევები ჩვენთვის კარგადაა ცნობილი. ისინი მრავალი ტურნირის ჩემპიონები და პრიზიორები, მათ შორის საქართველოს ჩემპიონებიც არიან. ესენი ძმები სანდრო, გიორგი და სოსო ნატროშვილები არიან, რომლებიც მამისგან, როგორც მწვრთნელისგან, არავითარ შეღავათს არ გრძნობენ. ამიტომაც აქვთ ასეთი წარმატებები. კავკასიის პირველობაზე გიორგიმ სახეობაში „ბრძოლა წესების გარეშე“ – პირველი ადგილი დაიკავა. ძმას მხარი არც სანდრომ ჩამოუგდო და მანაც თავის წონაში პირველი ადგილი დაიკავა.
ამ კატეგორიაში ნაბოლარა ძმამ – სოსომ მეორე ადგილი მოიპოვა. მათ წარმატებები ჰქონდათ K1–ის წესებით ბრძოლაში. გიორგიმ მეორე ადგილი დაიკავა, რაც ძირითადად გამოწვეული იყო იმით, რომ მან პირველივე შეხვედრის დროს ფეხის ტრავმა მიიღო. მიუხედავად ამისა, მან ასეთი ტრავმით შეუპოვრად იასპარეზა და ათი ბრძოლა ჩაატარა.
ამავე კატეგორიაში პირველი ადგილი სანდრომ დაიკავა, ხოლო სოსო ამჯერად მესამე ადგილს დასჯერდა, რადგან მას ბრძოლა ორივე კატეგორიაში თავისზე საკმაოდ მძიმე წონის სპორტსმენებთან მოუხდა. ძმების ასპარეზობით კმაყოფილი დარბაზი გულშემატკივრობდა მათ და აპლოდისმენტებს არ იშურებდა მათ გასამხნევებლად.
კავკასიის ჩემპიონატში, მონაწილეობას დედოფლისწყაროს საბრძოლო ხელოვნებათა ფედერაციაც იღებდა. ტურნირზე გამოსულმა ორივე სპორტსმენმა საპრიზო ადგილის აღება შეძლო. როგორც ფედერაციიდან გაზეთ „ქიზიყს“ აცნობეს, ნიკა ჩიტიშვილმა და ლევან წიკლაურმა მეორე და მესამე ადგილები მოიპოვეს.
„მიუხედავად იმისა, რომ ჩვენს კლუბს სპორტის სამსახურიდან დაფინანსება შეუწყდა, ფედერაციაში ვარჯიშები სრული დატვირთვით მიდის და მომავლის იმედს არ ვკარგავთ.
შეჯიბრზე ასევე მონაწილეობდნენ აზერბაიჯანის კიკ-ბოქსინგის და სასომხეთის ტაეკვონდოს ITF ფედერაცია, ასევე საქართველოს ხელჩართული ბრძოლების ფედერაცია, ხრიდოლის ფედერაცია, უშუ–ს ეროვნული ფედერაცია, ასევე ბორჯომის, თბილისის, გორის და ზუგდიდის კიკ-ბოქსინგის კლუბები.
„საკმაოდ დაძაბული და საინტერესო ორთაბრძოლები იყო და ჩვენმა სპორტსმენებმაც გამოცდილება აიმაღლეს. ასევე უნდა აღინიშნოს შეჯიბრების ორგანიზების მაღალი დონე. რადგან ჩვენი სპორტსმენები საკმაოდ გამოცდილები და ტიტულოვნები არიან, მათ მხოლოდ რამდენიმე ქულა დააკლდათ ჩემპიონობამდე და ოქროს მედალის მოპოვებამდე,“ – განუცხადეს „ქიზიყს“ დედოფლისწყაროს საბრძოლო ხელოვნებათა ფედერაციაში.
/ქიზიყი/ ილია მარტყოფლიშვილი

ჯარში დედოფლისწყაროდან 25, კახეთიდან კი 300-მდე წვევამდელს გაიწვევენ

2012-02-18T00:34:00.002+04:00

ახმეტიდან სამხედრო სავალდებულო სამსახურში 30 წვევამდელი ჩაირიცხება; ლაგოდეხიდან - 30; თელავიდან - 40; გურჯაანიდან - 43; სიღნაღიდან - 35; საგარეჯოდან - 50; დედოფლისწყაროდან კი 25. ყვარლის სამხედრო გაწვევისა და აღრიცხვის სამსახურიდან ინფორმაცია არ მოგვაწოდეს.
საგაზაფხულო გაწვევა 2012 წლის 23 იანვრიდან დაიწყო და 30 ივნისამდე გაგრძელდება. კახეთის რეგიონიდან სამხედრო სავალდებულო სამსახურში 300-მდე წვევამდელს გაიწვევენ.
შეგახსენებთ, რომ „სამხედრო ვალდებულებისა და სამხედრო სამსახურის შესახებ“ კანონში ცვლილებები შედის, რომელიც სამხედრო სავალდებულო სამსახურის ვადის 15 თვემდე გაზრდას ითვალისწინებს: „აღნიშნული კანონი ძალაში შესვლის შემდეგ ახლანდელ წვევამდელებზე არ გავრცელდება. 2008 წლის 1 იანვრიდან სამხედრო სავალდებულო სამსახური ერთ წლიანი გახდა, მანამდე კი 18 თვიანი იყო. შესაბამისად, სამხედრო სავალდებულო სამსახურში გაწვეული პირები იმ კანონით დადგენილ ვადებში იმსახურებენ, რომლის მოქმედების ვადაშიც მოხდა მათი გაწვევა“, - აცხადებენ სამხედრო გაწვევისა და აღრიცხვის სამსახურებში. მოსახლეობა კი სავალდებულო სამსახურის ვადის ზრდას უარყოფითად აფასებს.

მეცხვარეთა ასოციაციის თავმჯდომარე ცხვრის ექსპორტის მონაცემების გაყალბებაზე საუბრობს

2012-02-17T09:07:00.003+04:00

EXCLUSIVE - მეცხვარეთა ასოციაციის თავმჯდომარე ბექა გონაშვილი „საქსტატის“ მიერ ცხვრის ექსპორტთან დაკავშირებით გავრცელებულ ინფორმაციას ეხმაურება. გონაშვილი მიიჩნევს, რომ მონაცემები ხელოვნურად არის შემცირებული და სავარაუდოდ, ეს გარკვეული ძალების მხრიდან გადასახადებისთვის თავის არიდებას ემსახურება.

საქართველოს სტატისტიკის ეროვნული სამსახურის ინფორმაციით, ცოცხალი ცხვრის ექსპორტი 2011 წელს, 2010 წელთან შედარებით, 90 პროცენტით გაიზარდა და 15 მლნ. აშშ დოლარი შეადგინა. მათივე ცნობით, 2011 წელს, წინა წელთან შედარებით, 65 ათასით მეტი ცოცხალი ცხვრის ექსპორტი განხორციელდა და მთლიანობაში 165 ათასი სული შეადგინა.

თავის მხრივ ბექა გონაშვილი "ქიზიყთან" საუბრისას მიიჩნევს, რომ საზღვრებს გარეთ გასული ცხვრის ოდენობა გაცილებით მეტია. ის ვარაუდობს, საქართველოდან გასულ წელს 177 ათასზე მეტი ცხვარი უნდა გასულიყო.

„2010 წელს საქართველოდან გავიდა 177 ათასი სული. ოფიციალურ მონაცემებში დაწერეს 100 ათასი გავიდა, 2011 წელს კი 165 ათასი და ამხელა ზრდა დაფიქსირდაო. შარშანდელი თანხა სულზე საშუალოდ დაახლოებით 95-100 დოლარის ფარგლებში მერყეობდა, წელს ცხვარი უკვე გაძვირდა და 110 დოლარს მიაღწია. ჩემს ხელთ არსებული მონაცემებით, გასულ წელს ექსპორტზე გაყვანილი ცხვრიდან შემოსული თანხა 17 მილიონს გადააჭარბებდა,“ – ამბობს გონაშვილი.

მეცხვარეთა ასოციაციის თავმჯდომარე მიიჩნევს, რომ წელს არათუ ექსპორტის ზრდა, არამედ კლება ფიქსირდება, ამის მიზეზი კი მრავალია. ბექა გონაშვილი ერთ–ერთ შემაფერხებელ ფაქტორად საძოვარ ტერიტორიებზე გადასახადის ზრდას ასახელებს და მიიჩნევს, რომ ფერმერს ცხვრის გამრავლება გაცილებით ძვირი უჯდება, რაც თვითღირებულებას ზრდის.

„წელს ექსპორტმა იკლო, რადგან ლოჯისტიკაში ცუდი ვითარება გვაქვს, ასევე იკლო იმიტომ, რომ ცხვრის ფასმა იმატა. თავად გლეხს წვრილფეხა პირუტყვის შენახვა გაუძვირდა. როგორც ცნობილია, საძოვრის გადასახადი დედოფლისწყაროში 3 ლარიდან 17 ლარამდე გაიზარდა და ეს ხომ შესაბამისად აისახება ცხოველის ღირებულებაზე? საძოვრის გადასახადი რამდენიმე თვის წინ გაზარდეს. სახელმწიფომ 15 ლარით განსაზღვრა და ადგილობრივმა საკრებულოებმა კი დამატებით კიდევ 2 ლარით გაზარდეს. თვითმმართველობის ორგანოს მხოლოდ გადასახადის მომატება შეეძლო. ამას ისიც ემატება, რომ საქართველოში არის უამრავი ბროკერი, რომელთა არაპროფესიონალიზმისა და თაღლითური ფაქტების გახშირების გამო ინვესტორი საქართველოში აღარ ჩამოდის,“ – აღნიშნავს ბექა გონაშვილი.

მეცხვარეთა ასოციაციის ინფორმაციით, 2012 წლისთვის ექსპორტზე არაუმეტეს 5–6 000 სული ცხვარია გასული, მათ შორის 1 000 ყატარში. /ქიზიყი/ ილია მარტყოფლიშვილი

გამოხმაურება : მედიანიუსი ; ჯეონიუსი ; პრაიმნიუსი ; გაზეთი საქართველო&მსოფლიო

„ნაციონალური მოძრაობის“ გენერალური მდივანი სოფელ სამრეკლოს ეწვია

2012-02-16T19:37:00.005+04:00

„ერთიანი ნაციონალური მოძრაობის“ გენერალური მდივანი ზურაბ მელიქიშვილი და პარლამენტის წევრი ანდრო ალავიძე 16 თებერვალს დედოფლისწყაროს მუნიციპალიტეტს ეწვივნენ.

თავდაპირველად მმართველი გუნდის წარმომადგენლები „ნაციონალური მოძრაობის“ დედოფლისწყაროს ორგანიზაციის წარმომადგენლებს და საჯარო მოხელეებს შეხვდნენ. ქალაქ დედოფლისწყაროს პირველ საჯარო სკოლაში გამართული სხდომა დახურული იყო. მას მედიასაშუალებების წარმომადგენლები არ დასწრებიან.

აქტივისტებთან შეხვედრის შემდეგ ხელისუფლების წარმომადგენლები დედოფლისწყაროს მუნიციპალიტეტის სოფელ სამრეკლოს ეწვივნენ. ზურაბ მელიქიშვილი არსებულ პრობლემებს ადგილზე გაეცნო და მოსახლეობას მათ მოგვარებას დაპირდა.

შეხვედრაზე მწვავედ დაისვა მიწებთან და მის გადასახადებთან დაკავშირებული პრობლემები, პენსიების დაყადაღების საკითხი, ჯანდაცვის და უმუშევრობის პრობლემა. სამრეკლოელები სოციალური მომსახურების სააგენტოს დაუპირისპირდნენ და მის ადგილობრივ ფილიალს არაობიექტურობაში დასდეს ბრალი. მოსახლეობამ სააგენტოს წარმომადგენლებს „აგენტები“ უწოდა.

პარტიის გენერალურმა მდივანმა ადგილობრივებთან ერთად მიმოიხილა მიმდინარე რეფორმები და მოსახლეობას სამომავლო გეგმებზეც ესაუბრა. მისი თქმით, სექტემბრიდან სახელმწიფო დაზღვევის პაკეტს მიიღებს ყველა პენსიონერი და 0-5 წლამდე ასაკის ბავშვი.
მოსახლეობასთან შეხვედრაში დედოფლისწყაროს მაჟორიტარი დეპუტატი ავთანდილ ლეკაშვილი, დედოფლისწყაროს მუნიციპალიტეტის საკრებულოს თავმჯდომარე ლევან ბაღაშვილი, მუნიციპალიტეტის გამგებელი ნიკოლოზ შანშიაშვილი და ადგილობრივი ხელისუფლების სხვა წარმომადგენლები მონაწილეობდნენ. /ქიზიყი/

ინტერესთა კონფლიქტის გამო გამგეობის მოქალაქეთა მომსახურების ბიუროს უფროსი თეა ლეკაშვილი გათავისუფლდა

2012-02-16T01:08:00.004+04:00

EXCLUSIVE - დედოფლისწყაროს მუნიციპალიტეტის გამგეობის მოქალაქეთა მომსახურების ბიუროს ხელმძღვანელი თეა ლეკაშვილი დაკავებული თანამდებობიდან გათავისუფლდა. ბრძანებას ხელი გამგებლის მოვალეობის შემსრულებელმა ალექსანდრე ალუღიშვილმა მოაწერა.

„ქიზიყის“ ინფორმაციით, ხელმძღვანელის გათავისუფლების მიზეზი ქორწინება გახდა, რის შემდეგაც ინტერესთა შეუთავსებლობა წარმოიშვა. თეა ლეკაშვილმა დედოფლისწყაროს მუნიციპალიტეტის გამგებელ ნიკოლოზ შანშიაშვილზე ახლახან იქორწინა.

საჯარო სამსახურის შესახებ საქართველოს კანონის 62–ე მუხლის მიხედვით, არ შეიძლება საჯარო მოხელეს დაეკისროს სამსახურებრივი ზედამხედველობა იმ ორგანიზაციებისადმი, რომელთა ხელმძღვანელ ორგანოებში საქმიანობენ მისი ოჯახის წევრები. ასევე, სახელმწიფო მოსამსახურე არ უნდა იღებდეს შემოსავალს იმ ორგანიზაციებიდან, რომლებსაც სამსახურებრივ მოვალეობათა შესრულების წესით უწევს ზედამხედველობას.

როგორც „ქიზიყს“ გამგეობის მოქალაქეთა მომსახურების ბიუროში განუცხადეს, ამჟამად უფროსის მოვალეობას ამავე სამსახურის თანამშრომელი მზია გოგაშვილი ასრულებს.

ვაკანტური ადგილის დასაკავებლად უახლოეს მომავალში დედოფლისწყაროს მუნიციპალიტეტი კონკურსს გამოაცხადებს.

„ქიზიყის“ ინფორმაციით, თეა ლეკაშვილი მუშაობას არასამთავრობო სექტორში განაგრძობს. ის კავშირ „ახალ სიტყვა – ახალი ინიციატივა“–ს ხელმძღვანელია. ორგანიზაცია დონორების ფინანსური დახმარებით საგანმანათლებლო სფეროში მუშაობს. ლეკაშვილი მანამდე გამგებლის თანაშემწედ და გამგეობის აპარატის არასამთავრობო ორგანიზაციებთან ურთიერთობის კოორდინატორად მუშაობდა.

ერთი ფანჯრის პრინციპით შექმნილი მოქალაქეთა მომსახურების ბიურო დედოფლისწყაროში 2011 წლის 27 იანვარს გაიხსნა და გერმანიის საერთაშორისო თანამშრომლობის საზოგადოების (GIZ) დაფინანსებით თანამედროვე სტანდარტებით აღიჭურვა. პროექტი „ადგილობრივი თვითმმართველობის ხელშეწყობა სამხრეთ კავკასიაში“ ფარგლებში განხორციელდა. /ქიზიყი/ ილია მარტყოფლიშვილი ჯეონიუსი

ქალაქ დედოფლისწყაროს რწმუნებულმა ორგანიზაცია "ქართული ოცნება" ოფისის გარეშე დატოვა?!

2012-02-15T18:27:00.006+04:00

ბიძინა ივანიშვილის საზოგადოებრივი მოძრაობა „ქართული ოცნება“ დედოფლისწყაროს რაიონში ოფისის გარეშე დარჩა. ოფისის მეპატრონემ „ქართულ ოცნებასთან“ დადებული ხელშეკრულება ხელმოწერიდან მეორე დღესვე გააუქმა.

„გამგეობასთან ახლოს მდებარე შენობაში, რომელიც ქალაქ დედოფლისწყაროს რწმუნებულს სოსო უზუნაშვილს ეკუთვნის, რესპუბლიკურ პარტიას დაქირავებული გვაქვს ორი ოთახი. აქვე თავისუფალია სხვა ოთახებიც. როცა „ქართულმა ოცნებამ“ ოფისის აღება გადაწყვიტა, თბილისიდან ჩამოსული წარმომადგენლები გაესაუბრნენ შენობის მეპატრონეს და სამი ოთახი იქირავეს. გააფორმეს კონტრაქტიც. მეორე დღეს, დილითვე, შენობის მეპატრონე მოვიდა. ძალიან შეწუხებული იყო, ტიროდა. მითხრა, რომ ამ სამ ოთახზე ხელშეკრულება უნდა გავაუქმოო“, - განუცხადა კახეთის საინფორმაციო ცენტრს რესპუბლიკური პარტიის დედოფლისწყაროს რაიონული ორგანიზაციის ხელმძღვანელმა ნოდარ ტოკლიკიშვილმა.

- არ ჰკითხეთ ხელშეკრულების გაუქმების მიზეზი რა გახდა?
- თქვა, რომ სხვა გზა არ ჰქონდა. ჩემთვის ისედაც გასაგები იყო ყველაფერი.
- „ქართულ ოცნებასთან“ დადებული ხელშეკრულება თუ გააუქმა, რესპუბლიკურ პარტიას ოფისთან დაკავშირებით პრობლემა არ აქვს?
- ჩვენ ცალკე გვაქვს ხელშეკრულება დადებული. ეს ოთახები 2010 წელშიც გვქონდა ქირით აღებული, მერე შევწყვიტეთ ხელშეკრულება, 2011 წლის დეკემბერში ისევ გავაგრძელეთ. რესპუბლიკურ პარტიას აქვს ექვსთვიანი ხელშეკრულება. მაისის ბოლოს იწურება ხელშეკრულების ვადა. თებერვლის ჩათვლით თანხა წინასწარ გვაქვს ჩარიცხული. ხელშეკრულებაში პირობებია გაწერილი, რომ მისი ცალმხრივად მოშლის შემთხვევაში მეპატრონეს ზიანის ანაზღაურება მოუწევს. ვადა რომ გავა, შეიძლება აღარც ჩვენ გაგვიფორმოს. შეიძლება მანამდეც შეგვიწყვიტოს“.

კახეთის საინფორმაციო ცენტრი სოსო უზუნაშვილსაც დაუკავშირდა. ის დედოფლისწყაროს მუნიციპალიტეტის გამგეობის ქალაქ დედოფლისწყაროს ტერიტორიული ორგანოს რწმუნებულია.
- ბატონო სოსო, რატომ გააუქმეთ „ქართულ ოცნებასთან“ დადებული ხელშეკრულება?
- სხვა უკეთესი ვარიანტი გამოჩნდა.
- ვინმემ უფრო მეტი შემოგთავაზათ?
- კი.
– ვინ?
- კერძო ორგანიზაციაა.
- ვინ არის, ვერ გვეტყვით?
- არა, ვერ გეტყვით.
- უკვე გაქირავებული გაქვთ ოფისი?
- ჯერ არა.
- ხელშეკრულება იმიტომ ხომ არ გააუქმეთ, რომ თქვენზე ზეწოლა განხორციელდა?
- არა, არავითარი ზეწოლა.
- დედოფლისწყაროს ტერიტორიული ორგანოს რწმუნებულის თანამდებობაზე რამდენია ხანია მუშაობთ?
- 2 წელია“.

ნინო კორაშვილი ICK

ბოტულიზმის დიაგნოზით სოფელ ქვემო ქედიდან თბილისში გადაყვანილი მამაკაცი გარდაიცვალა

2012-02-14T00:46:00.000+04:00

EXCLUSIVE - ბოტულიზმის დიაგნოზით, დედოფლისწყაროდან თბილისში, კატასტროფის მედიცინის ცენტრის ბრიგადის მიერ გადაყვანილი მამაკაცი ჯანმრთელობის გაუარესების შემდეგ გარდაიცვალა. 74 წლის მათე გოგოლაურის ცხედარი თბილისის ინფექციური საავადმყოფოდან დედოფლისწყაროს რაიონის სოფელ ქვემო ქედში უკვე გადაასვენეს.

გარდაცვლილის ვაჟის დავით გოგოლაურის განმარტებით, დიდთოვლობისა და ტრანსპორტის არარსებობის გამო ცხედარის გადასვენებაში ოჯახს პრობლემა შეექმნა:

„ფული არ გვქონდა და ცხედარის გადასასვენებლად ტრანსპორტის დაქირავებაც ვერ მოვახერხეთ... სხვა გზა არ იყო, ჩვეულებრივი მანქანით ძლივს გადმოვასვენეთ. ძალიან გაჭირვებული ოჯახი გვაქვს, სოციალურმა სააგენტომ ისეთი მაღალი ქულები მოგვანიჭა ვერც დახმარებას ვიღებთ და ვართ ასე. საერთოდ, მამაჩემს გულის პრობლემები ბოლო დროს სულ ჰქონდა, თუმცა ახლა მოიწამლა და მდგომარეობა ამიტომ გაურთულდა,“ – ამბობს დავით გოგოლაური.

დედოფლისწყაროს საავადმყოფოდან თბილისში მამაკაცი კატასტროფის მედიცინის ცენტრის ბრიგადამ 13 თებერვალს გადაიყვანა. ის სახლის პირობებში დამზადებული კიტრის მწნილით მოიწამლა.

„პაციენტს მხედველობის გაორება და ყლაპვის გაძნელება აღენიშნებოდა. მას პირველადი გადაუდებელი დახმარება ადგილზე გავუწიეთ. პაციენტი საშუალო სიმძიმის იყო, ვერ ვიტყვი, რომ ჩვენთან შემოყვანისას მისი ჯანმრთელობის მდგომარეობა რთული იყო,“ – ამბობს დედოფლისწყაროს საავადმყოფოს დირექტორი ხათუნა ზურიკაშვილი.

შეგახსენებთ, გარდაცვლილი შვილის უგზო–უკვლოდ გაუჩინარებასაც განიცდიდა. მისი უმცროსი ვაჟი 34 წლის ემზარ გოგოლაური გასული წლის 4 მაისს სახლიდან გავიდა, თან თოკი წაიღო და დაიბარა, რომ თვითმკვლელობას გეგმავდა. პოლიციამ მის კვალს ამ დრომდე ვერ მიაგნო, შსს მის საძიებო სამუშაოებს ამ დრომდე განაგრძობს. /ქიზიყი/ ილია მარტყოფლიშვილი

გამოხმაურება: მედიანიუსი ; რადიო ჰერეთი ; ჯეონიუსი ;

სოფლის მეურნეობის დარგში გამგებელს ახალი მოადგილე ჰყავს

2012-02-13T18:55:00.002+04:00

დედოფლისწყაროს მუნიციპალიტეტის გამგებელს ამიერიდან მესამე მოადგილეც ეყოლება. სოფლის მეურნეობის დარგში გამგებელის მოადგილედ რევაზ ქოქიაშვილი დაინიშნა.

როგორც დედოფლისწყაროს გამგეობაში განმარტავენ, რევაზ ქოქიაშვილს დამთავრებული აქვს საქართველოს სახელმწიფო სასოფლო–სამეურნეო უნივერსიტეტი, აგროტექნოლოგიის სპეციალობით. ის 2001-2010 წლებში მუშაობდა ლომოურის სახელობის კახეთის საცდელ სადგურში – პირველადი მეთესლეობის აგროტექნოლოგად, ხოლო 2010- 2011 წლებში შ.პ.ს. „ბორან სოფქიმია“- ში_ კონსულტანტად. კვალიფიკაციის ამაღლების მიზნით გავლილი აქვს სტაჟირება სოფლის მეურნეობის სამინისტროს სურსათის უვნებლობის, ვეტერინარიისა და მცენარეთა დაცვის ეროვნულ სამსახურში.

შეგახსენებთ, დედოფლისწყაროს მუნიციპალიტეტის საკრებულომ, 2012 წლის 10 თებერვლის სხდომაზე ცვლილება შეიტანა ამავე წლის 26 იანვრის №6 დადგენილებაში, რაც ითვალისწინებს მუნიციპალიტეტის გამგებლისათვის ახალი მოადგილის დამატებას სოფლის მეურნეობის განვითარების დარგში. აღნიშნული შტატი გამგეობაში ახლა დაეშვა.

როგორც „ქიზიყმა“ გაარკვია, რევაზ ქოქიაშვილი სიღნაღის რაიონის მკვიდრია. კულუარული ინფორმაციით, ის კახეთის გუბერნიის რეკომენდაციით დაინიშნა. სხვა საჯარო მოხელეებისგან განსხვავებით, მათთვის საკმაოდ მაღალი შრომითი ანაზღაურებაა გათვალისწინებული. /ქიზიყი/

ტყუპები ერთად და ცალკ-ცალკე...

2012-02-12T12:18:00.000+04:00

სწავლასა და კარიერას გადაყოლილებმა ოჯახის შექმნა ცოტა დააგვიანეს, მაგრამ ღმერთმა წყალობა მოიღო და ექიმ მარინა ნასრაშვილს და იმდროისთვის პარტიულ ფუნქციონერ აკაკი ოზაშვილს, ექიმების დასკვნებით ერთ გოგოს რომ ელოდნენ, მოულოდნელად ტყუპები ვაჟი შეეძინათ: ჯერ დათო დაიბადა, თორმეტი წუთის შემდეგ –კახა. 1988 წლის 16 აპრილი იყო. თითოეული 1.400 გრამს იწონიდა. რვათვიანები იყვნენ და თბილისში, ბავშვთა რესპუბლიკური საავადმყოფოს "ინკუბატორში” მოუწიათ ერთი თვის გატარება.

დიდი შრომა და უძილო ღამეები დასჭირდა ბავშვების გაზრდას, მათ ჯანმრთელობას, განვითარებას. ამ ყველაფერში მარინას პროფესიული ცოდნაც უდაოდ დაეხმარა. ბიჭები ერთმანეთს ძალიან ჰგავდნენ, ერთნაირად აცმევდნენ, ერთნაირად ვარცხნიდნენ, ერთმანეთის გვერდით ისხდნენ და.. უჭირდათ მათი გარჩევა აღმზრდელ მასწავლებლებსაც კი. ორივე ისე კარგათ სწავლობდა, მასწავლებლის მოტყუება და ერთმანეთის ჩანაცვლება არასდროს სჭირდებოდათ, როგორც ეს ტყუპებს სჩვევიათ ხოლმე. ამისათვის კი ყველა პირობა არსებობდა _ ნიჭიც, შრომის მოყვაერეობაც და ხელშეწყობაც. მშობლები მუშაობდნენ, მაგრამ აწყობილი და გააზრებული დღის რეჟიმით მუდამ ახერხებდნენ შვილებისათვის დრო გამოენეხათ და სათანადო ყურადღება მიექციათ. მათ მხარში ოჯახის წევრებიც ერთგულ ედგნენ. ლამარა ბებია და რუსუდან ბებიდა მზრუნველობას არ აკლებდნენ ბავშვებს.
_ პირველ რიგში ბავშვებში უნდა გაღვივდეს ინტერესი ინტელექტის მიმართ. ჩვენი ბავშობა უშუქობას და ცხოვრების გაუსაძლის პირობებს დაემთხვა, მაგრემ კარგად გვახსოვს ლამპის შუქზე როგორი გულმოდგინებით საათობით გვიკითხავდა ზღაპრებს, პატარა მოთხრობებს, გვიყვებოდა მრავალ საინტერესო ამბავს, შარადებს, გამოცანებს, თავსატეხსა თუ ენისგასატეხ გვასწავლიდა ჩვენი რურსუდანი ბებიდა. (საუბარია დაწყებითი სწავლების ცნობილ პედაგოგზე რუსუდან თარაშვილზე, რომელიც იმ დროს უკვე პენსიონერი გახლდათ და დისშვილთან –აკაკი ოზაშვილთან ერთად ცხოვრობდა). მან და მთელმა ჩვენმა ოჯახმა დიდი როლი ითამაშა ჩვენს ჩამოყალიბებაში – ამბობენ ბიჭბი და სიყვარულით იხსენებენ პაპა_ბებიებს, რომლებიც დღეს ცოცხალთა შორის აღარ არიან.

კახა და დათო ოზაშვილები ქ. დედოფლისწყაროს #1 საშუალო სკოლის წარჩინებული მოსწავლეები იყვნენ. რამდენიმე თვე ახლადჩამოყალიბებულ ფასიან სკოლაშიც სწავლობდნენ, მაგრამ ისევ მშობლიურ სკოლას დაუბრუნდნენ.

_ ფასიან სწავლებასთან დაკავშირებით ჩვენ მიგვაჩნია, რომ ის პერსპექტიული და კოკურენტუნარიანია, სად პედაგოგების 30-40 ბავშვთან მუშაობა და სად ხუთსა და თუნდაც ათთან. მაგრამ აქ ყველაზე მნიშვენილოვანი ძლიერი პედაგოგიური კოლექტივის შეკვრაა. კარგ სპეციალისტს კი კარგი ანაზღაურებაც სჭირდება, კარგ ანაზღაურებას –სოლიდური გადასახადი მშობლების მხრიდან, სოლიდურ გადასახადს _სოლიდური საოჯახო ბიუჯეტი, რაც ჩვენს ქვეყანაში, დღესდღეობით, ნაკლებად თუ ვინმეს აქვს. ისე რომ, ეს ყველაფერი ერთმანეთზეა აკინძული – გვიზიარებენ თავის მოსაზრებას ძმები და სკოლის ხალისიან დე ბედნიერ დღეებს იხსენებენ, იხსენებენ პედაგოგებს, მეგობრებს, გამორჩეულად კი პირველ მასწავლებლებს ცისანა მჭედლიშვილს. მათ, ორივემ, წარჩინებით დაამთავრეს საშუალო სკოლა და პირველივე წელს ჩაირიცხნენ უმაღლეს სასწავლებელში. სწორედ აქ გაიყარა მათი გზები: დათომ მედიცინის შესწავლა გადაწყვიტა, კახამ ბიზნესის საიდუმლოებაში ჩახედვა ირჩია. და რადგან 12 წუთით დიდია დათო კახაზე, პირველობა მას დავუთმოთ და პირველად მისი დამოუკიდებელი ცხოვრება გავიცნოთ.

2005 წელს დათო თბილისის სახელმწიფო სამედიცინო უნივერსტიტეტის სამკურნალო ფაკულტეტზე ჩაირიცხა, რა თქმა უნდა, უფასოზე. სწავლას წარმატებით უთავსებდა მუშაობას. მიაჩნია, რომ პრაქტიკული საქმიანობა დიდ გამოცდილებას სძენს ადამიანს და თეორიასთან ერთად პროფესიის დაუფლების საუკეთესო საშუალებაა. ჯერ ონკოლოგიის ნაციონალურ ცენტრში მუშაობდა, შემდეგ პირველ საავადმყოფოში. 2011 წლის გაზაფხულზე უნივერსტიტეტი დაამთავრა, ერთიანი დიპლომისშემდგომი სარეზიდენტო გამოცდა წარმატებით ჩააბარა და ჩაირიცხა სამედიცინო რადიოლოგიის სპეციალობაზე. იქამდე ანალოგიური დიპლომის შემდგომი გამოცდა ხარკოვის სამედიცინო აკადემიაშიც ჩააბარა და იქაც ჩაირიცხა იგივე ფაკულტეტზე, მაგრამ ამჯერად თბილისში დარჩენა ამჯობინა. მის მიერ არჩეული სპეციალობა გულისხმობს სწორ დიაგნოსტიკას მსოფლიო სტანდარტების ტექნიკური საშუალებების გამოყენებით. ეს ახალი დარგია, რომელიც დიდ ცოდნას და პროფესიონალიზმს მოითხოვს.
_დათო, დღეს ექიმობა ნაკლებშემოსავიანია, თუ, რა თქმა უნდა, კერძო პრაქტიკას არ ეწევი, ამას კი საკმაო ფინანსები და დიდი პრაქტიკული გამოცდილება სჭირდება. რას აპირებ?
_ ჩევნთან ექიმი მატერიალურად ძლიერი არასოდეს ყოფილა, ის უფრო პრესტიჟი იყო. მაგრამ განვითარებულ, აწყობილ ქვეყნებში ასე არ არის, ნამდვილად მცოდნე და წარმატებულ ექიმებს ანაზღაურებაც შესაბამისი აქვთ. ჩვენთანაც მალე ასე იქნება. მაგალითად, წელს რეზიდენტურაში ჩემთან ერთად 1500 კაცი აბარებდა. აქედან დაახლოებით ასზე ცოტა მეტი ჩაირიცხა. ეს იმას ნიშნავს, რომ კონკურენცია დიდია, დიდი კონკურენციის პირობებში კი მეტად ხარ მოტვირებული ცოდნის დონე აიმაღლო, მაქსიმუმს მიაღწიო. კარგი ექიმი ახლაც საძებარია. დღეს თბილისში დარჩენა გადავწყვიტე, სამომავლოდ საზღვარგარეთ კვალიფიკაციის ამაღლებას ნამდვილად ვფიქრობ.
_ ღმერთმა ხელი მოგიმართოს, ჩვენს ახლადგახსნილ კლინიკებს მარტო თანამედროვე ტექნიკით აღჭურვა კი არა, მაღალკვალიფიკაციური სპეციალისტებიც ნამდვილად სჭირდება.
კახა სკოლის დამთავრებისთანავე, პირველსავე ცდაზე თბილისის თავისუფალი უნივერსტიტეტის ISM _ბიზნესსკოლის ბიზნესადმინისრირების ფაკულტეტზე ჩაირიცხა. რა თქმა უნდა, ისიც უფასოზე. ის ჩვენი რაიონიდან პირველი იყო, ვინც ამ პრესტიჟულ უნივერსტიტეტში ჩაირიცხა. ჩაირიცხა და მალევე მიიპყრო ლექტორ-მასწავლებელთა ყურადღება, როგორც გონიერმა, გაწონასწორებულმა და სწავლისთვის მონდომებულმა სტუდენტმა. მესამე კურსზე სწავლას შრომაც შეუთავსა და პირველ ბრიტანულ ბანკში დაიწყო მუშაობა. მეოთხე კურსი დამამთავრებული იყო და მუშაობა დროებით შეწყვიტა. უნივერსტიტეტის დამთავრებისთანავე მუშაობა საერთაშორისო აუდიტორულ კომპანია გრანტ-თორნ-თონ-ში დაიწყო აუდიტორად. მისი მოვალეობა იყო სამთავრობო, დონორი და კომერციული ორგანიზაციების აუდიტი როგორც ქვეყანაში, ასევე ქვეყნის გარეთაც. ამიტომ, ხშირად ჰქონია მივლინებები საზღვარგარეთ, რამაც დიდი გამოცდილება შესძინა. ამ გაზაფხულზე კი კახამ სადაზღვევო კომპანია “ალდაგი ბისიაისგან’ შეთავაზება მიიღო და სამუშაოდ იქ გადავიდა საოპერაციო რისკების სპეციალისტად.
_კახა, რატომ გამოიცვალე სამსხური, ვიცი, ძველ სამსხურშიც კარგი ავტორიტეტი გვქონდა და ძალიან გაფასებდნენ კიდეც?
_ ნამვილად არც იქ ვიყავ ცუდად, მაგრამ აქ გაცილებით საინტერესო სამუშაოა. მე სხვადასხვა ორგანიზაციაში არსებული ბიზნეს-პროცესების მონიტორინგს ვაწარმოებ, რაც ერთმანეთისაგან ძალიან განსხვავებულია და, ამდენად, საინტერესოც, თან ანაზღაურებაც თითქმის ორჯერ მეტია.
_ მაინც, რამდენი გაქვს ხელფასი?
_ მარტოხელა მამაკაცისთვის ცოტა მეტიც კი არის, ისე რომ, დათოს და მშობლებსაც ვუწილადებ ხოლმე საჭიროებისას.
_სწავლა დაამთავრე თუ კიდევ გაქვს რაიმე გეგმაში?
_ სწავალა სიბერემდეო, ხომ გაგიგონიათ. აუცილებლად გავაგრძელებ სწავლას საზღვარგარეთ. ვიცი, რომ ამას სერიოზული ფინანსები სჭირდება. ამისათვის ორი გზა მაქვს: ან სესხი უნდა ავიღო ბანკიდან, ან ინგლისურ ენაზე ჩავაბარო გამოცდა უნარებში, მოვოპოვო უმაღლესი ქულები და ის სასწავლებელი, რომელსაც ამოვირჩევ, დავარწმუნო ჩემს შესაძლებლობებში, რათა უფასო სწავლების პროგრამაში ჩამსვან. მე სესხის აღებას, ნამდვილად, არ ვაპირებ. სამაგიეროდ მონდომებით ვმეცადინეობ.
_ ასე კარგათ იცი ინგლისური?
_ დიახ, ინგლისურიც და რუსულიც მეც და დათომაც ორივემ შესანიშნავად ვიცით. ამისათვის დიდ მადლობას ვუხდი ჩვენს ახლობელს ეთერ ლათიბაშვილს, რომელმაც ორივე ენა ძირფესვიანად შეგვასწავლა. ის ძალიან ძლიერი სპეციალისტი და შესანიშნავი ადამიანია. მასთან მოხვედრაზე რიგები დგას.
_ ბიჭებო, თქვენი სპეციალობა რომ კარგათ იცით, უდავოა, კიდევ რა გაინტერესებთ გამორჩეულად?
კახა: _ არქიტექტურული ძეგლები და მათი ისტორიები. ძალიან ვისიამოვნე გასულ ზაფხულს ევროპაში მოგზაურობისას. მაინტერესებს მედიცინა, მისი მსოფლიო მიღწევები ამ დარგში ეს, ალბათ, იმანაც განაპირობა, რომ ჩემი ძმა მედიკოსია, თვითონაც ბევრს კითხულობს და მეც მიყვება ამ თემაზე.
დათო: _ პროფესია მთავარია, იმის იქით ბევრი რამ მაინტერესებს. მართალია, არც სპორტსმენ ვარ, არც მუსიკოსი და არც მხატვარი, მაგრამ ეს დარგები ძალიან მაინტერესებს, ბევრს ვკითხულობ და საკმაოდ ვერკვევი, თუ თავის ქებად არ ჩამითვლით.
_ ჩვენ ადამიანის განვითარებაზე ვსაუბრობთ. ადამიანის განვითარებისათვის რომელს ანიჭებთ უპირატესობას, წიგნს თუ კომპიუტერს?
დათო:_ პირველ რიგში ვიტყვი, რომ ადამიანის განვითარებაში გენეტიკას და ოჯახს დიდი მნიშვნელობა აქვს. ჩვენ მადლობლები ვართ ჩვენი გენებით გადმოცემული უნარისათვის და იმ ამაგისთვის, რაც ოჯახმა ჩვენზე გასწია. ჯერ იყო და ინტელექტისადმი სიყვარული სულ პატარებს გაგვიღვიძეს, მერე 24 საათი გვაბეჯითებდნენ, ვინ დაგვაძინებდა და გაგვანებივრებდა. თუ გაკვეთილები სათანადო დონეზე არ გვეცოდინებოდა! ჰოდა, ასე ჩამოყალიბდა ჩვენში ინტერესი. რაც შეეხება წიგნა და კომპიუტერს, მე მათ ერთმანეთს არ შევადარებდი. ეს ცოდნის მიღების ორი სხვადასხვა წყაროა. წიგნში ძიების მეტი დრო სჭირდება, კომპოიუტერი უფრო სწრაფია, მაგრამ წიგნს სხვა ხიბლი აქვს, წაკითხულს შენი შესაძლებლობების და თვალსაწიერის მიხედვით ინდივიდუალურად აღიქვავ და მასში არავინ ერევა, რაც მეტად ინტიმუტი და სასიამოვნოა.
კახა:_ კომპიუტერი სწარაფად და მრავალმხრივ ინფორმაციას იძლევა, მაგრამ ოჯახი ყურადღებით უნდა იყოს და ბავშვი არ მიეჩვიოს იმ უამრავი სიბინძურის ყურადღება, რაც კომპიუტერში საკმაოდ მრავლადაა. თავიდანვე კომპიუტერი ცოდნის მიღების წყაროდ უნდა უქციო ბავშვს და არა მხოლოდ თამაშებზე, ჩატაობაზე და სხვა გასართობ პროგრამაზე იყოს ორიენტირებული.
_იმედია, თვალყურს ადევნებთ ქვეყანაში და მსოფლიოში მიმდინარე მოვლენებს. მედია-საშუალებებიდან რომელს უფრო ენდობით?
დათო: _ ტელევიზია ცდილობს ადამიანთა ზომბირებას. ბეჭვდური მედია შედარებით უფრო მართალია.
კახა:_ ტელევიზიის მიმართ,ზოგადად, ნდობა ნაკლებია.
_ ადამიანის შეფასებისას რა თვისებას გამოყოფთ გამორჩეულად?
დათო: - ჩემთვის ერთგულებაა ყველაზე მაღლა, ეს კაცსაც ეხება და ქალსაც.
კახა: _ მატყუარა ადამიანთან ურთიერთობა არ ღირს, თავი არავის უნდა მოატყუებინო.
_რას ვერ აპატიებთ ადამიანს?
ორივე: _ ბევრი რამის პატიება შეიძლება, ღალატის _ არა!
_ როგორ განმარტავთ სიყვარულს, გწამთ ერთი ნახვით შეყვარება თუ სიყვარულიც გონების, ფიქრის და განსჯის ნაყოფია?
დათო: _ სიყვარული, ვფიქრობ, გონების ნაყოფად არ ჩაითვლება, თუმცა, გულწრფელად გითხრათ, მე ახსნას ვერ ვუძებნი, რადგან პრაქტიკულად არ გამომიცდია, ჯერ კიდევ მოლოდინის რეჟიმში ვარ..
კახა:_ რა ხანია, მსოფლიო მეცნიერებაში გაჩნდა აზრი, რომ სიყვარული ვირუსია, რომელსაც აქვს სტადიები _შეგეყრება, მძაფრდება, აღწევს კულიმინაციას და მერე იწყება დაღმასვლა, ბოლოს რჩება შეჩვევა და მოვალეობა. მე ამ აზრს ვეთანხმები.
_ ბიჭებო, თქვენ მორწმუნე ადამიანები…ხართ _ დადიხართ ეკლესიაში, ინახავთ მარხვას. უფლის ყველა შეგონება მისაღებია თქვენთვის? მაგალითად: თუ ერთ ლოყაში გაგრტყეს, მეორეც მიუშვირეო.
კახა:_ სჯობია, არ გაარტყმევინო.
დათო:_ თუ გამარტყეს, სამაგიეროს აუცილებლად დავუბრუნებ...
* * *
რა გამოლევს მათთან სასაუბროს _ გონიერებას, ნიჭიერებს, ნაკითხებს და ”უგზო_უკვლოდ” განათლებულებს ყველაფერზე აქვთ პასუხი, საკუთარი ხედვა. ბედნიერია ოჯახი, ვისაც ასეთი შვილები ჰყავს, ბედნიერია ერი, როცა მისი მომავალი ასეთი ძლიერ მხრებზე დგას. წარმატებებს და ცხოვრების ფართო ასპარეზს გისურვებთ, ბიჭებო. ამ გაზაფხულზე თქვენ ხომ მხოლოდ 24 წელი გისრულდებათ!

ნაირა გორაშვილი – გაზეთი "შირაქი"

გამგეობის სოფლის მეურნეობის სამსახურის უფროსად ილია კვანჭილაშვილი დაინიშნა

2012-02-11T00:38:00.000+04:00

23 იანვრიდან დედოფლისწყაროს მუნიციპალიტეტის გამგეობის სოფლის მეურნეობის განვითარების სამსახურის უფროსად ილია კვანჭილაშვილი დაინიშნა. ახალი სამსახური მიმდინარე წლის 10 იანვრიდან, მუნიციპალიტეტის საკრებულოს №2 დადგენილებით, შეიქმნა. დამტკიცდა სამსახურის დებულება და განისაზღვრა მისი ძირითადი ფუნქციები.

ილია კვანჭილაშვილს დამთავრებული აქვს საქართველოს აგრარული უნივერსიტეტი, აგროტექნოლოგის სპეციალობით. 2000-2001 წლებში მუშაობდა დედოფლისწყაროს საგადასახადო ინსპექციაში ინსპექტორად, 2001-2002 წლებში –დედოფლისწყაროს სასამართლოს აღმასრულებლად, ხოლო 2003-2010 წლებში–გარემოს დაცვის და ბუნებრივი რესურსების კახეთის რეგიონალურ სამმართველოში, უფროს სპეციალისტად.
სამსახურის ახალ შტატებზე მთავარ სპეციალისტებად დაინიშნენ: – რეზო ნატროშვილი და ვალერი გოგილაშვილი. /ქიზიყი/

დაკავებული ჟურნალისტი ვიცე–გუბერნატორის პოლიციელ ძმიშვილს გაუპატიურებაში ადანაშაულებს

2012-02-11T00:07:00.009+04:00

31 იანვარს გურჯაანში დაკავებული ჟურნალისტის 20 წლის სოფო ნიკოლაშვილის ჩვენება გამოქვეყნდა. ჩვენების მიხედვით, სოფიკო ნიკოლაშვილმა და გიორგი სიბაშვილმა ერთმანეთი 2011 წლის 14 თებერვალს გაიცნეს, როცა საერთო მეგობრებთან ერთად გურჯაანში, ერთ-ერთ რესტორანში ვალენტინობას აღნიშნავდნენ. გაცნობის შემდეგ გიორგი სიბაშვილი და სოფიკო ნიკოლაშვილი სოციალურ ქსელ „ოდნოკლასნიკებში“ ერთმანეთს წერილებს წერდნენ, რამდენჯერმე შეხვდნენ კიდეც და დაახლოვდნენ.
„ამ პერიოდში მე გიორგი სიბაშვილი შემიყვარდა, თვითონ კი ჩემთვის არასოდეს უთქვამს, რომ მე ვუყვარდი, თუმცა ჩემს მიმართ გამოხატავდა პატივისცემას და ყურადღებას“, - ნათქვამია სოფიკო ნიკოლაშვილის ჩვენებაში. იგი 2011 წლის 02 ნოემბერს მომხდარ ფაქტს იხსენებს, როცა მისი თქმით, მორიგი შეხვედრის დროს, ნასვამ მდგომარეობაში მყოფმა გიორგი სიბაშვილმა მას შეურაცხყოფა მიაყენა მასთან გაუკუღმართებული სექსუალური კავშირი დაამყარა.

„2011 წლის 02 ნოემბერს მე ვიმყოფებოდი გურჯაანში. დაახლოებით 14-15 საათზე დამირეკა გიორგი სიბაშვილმა და მთხოვა შეხვედრა. მე ჯერ უარი ვუთხარი, შემდეგ კი დავთანხმდი და შევხვდით სოფელ გურჯაანის საჯარო სკოლასთან. ის იმყოფებოდა მეგობრის, თეთრი ფერის ნივით. მე ჩავჯექი ავტომანქანის წინა სალონში. მის გვერდით და წავედით ყველაწმინდის ეკლესიის მიმართულებით. გზის ერთ მონაკვეთში გიორგიმ გადაუხვია გზიდან და გადავიდა მინდვრისკენ. მას ეტყობოდა, რომ იყო ნასვამ მდგომარეობაში. შემომთავაზა სასმელი, რაზედაც მე უარი ვუთხარი.

ვკითხე, თუ რატომ ამოვედით ამ ადგილას და რა უნდოდა ჩემგან. მითხრა, რომ ჩემგან არაფერი არ უნდოდა, დამსხდარიყავით და გვესაუბრა. საუბრის დრო მე ვუთხარი, რომ ძალიან მიყვარდა, რაზედაც ის იცინოდა და არ უთქვამს, რომ მასაც ვუყვარდი. მე მას რამდენჯერმე ვთხოვე, რომ ის იყო ნასვამი და ჩავეყვანე სახლში, რაზეც უარი თქვა და მითხრა, რომ მასთან დავრჩენილიყავი. შემდეგ დამიწყო მოფერება, მერე ძიძგილაობა. დამიჭირა ხელები. ... წინააღმდეგობის გაწევის დროს, მე მანქანის კარების სახელურს თავი ჩამოვარტყი დაგონება დავკარგე. გონზე რომ მოვედი, გიორგიმ მითხრა, რომ მირეკავდნენ მობილურ ტელეფონზე და გამეგონებინა მათთვის, მაგრამ მე არ მინახავს. გიორგიმ ნახა ტელეფონის ნომერი და იყო მამაჩემის დარეკილი, მაგრამ მე მამაჩემისთვის არ გადამირეკავს. მე გიორგის ვკითხე, თუ რა გააკეთა. მან მიპასუხა, რომ ჩემთვის თითი არ დაუკარებია.

ამ დროს, მე გამახსენდა, რომ უკანა სავარძელზე იდო მისი იარაღი, რა სისტემის იყო, არვიცი. მე უცბად ავიღე იარაღი ხელში და ხელი წამოვიღე მისი შუბლისკენ. მან ამ დროს იარაღი ხელიდან წამართვა. ამის შემდეგ მან მომაყენა სიტყვიერი შეურაცხყოფა, მაგინებდა უცენზურო სიტყვებით და მითხრა, რომ შენთვის ხელი არ დამიკარებია და ახლა ნახავ, რასაც გიზამო. ამ დროს ის გადავიდა ავტომანქანიდან, ჩამავლო ფეხებში ხელი, გადამათრია მანქანიდან, მკრა ხელი, რის შემდეგაც მე ისევ გადავვარდი ავტომანქანის წინა სალონში. ამისშემდეგ გიორგი დამაწვა ზურგზე, მე ვცდილობდი წინააღმდეგობის გაწევას, მაგრამ მან ჩემთან ძალით დაამყარა გაუკუღმართებული სქესობრივი კავშირი. ამ ყველაფრის დასრულების შემდეგ მე გიორგის ვუთხარი, რომ არ ვაპატიებდი, რაც ჩაიდინა. ...

ამ ფაქტიდან დაახლოებით სამი კვირის შემდეგ, მე და გიორგი ისევ შევხვდით ქალაქ გურჯაანის ტერიტორიაზე, კერძოდ ხევისუბანში, სადაც მან კიდევ ერთხელ სცადა ჩემთვის შეურაცხყოფის მოყენება. მე შევეწინააღმდეგე, რის გამოც მან ვერ შეასრულა თავისი განზრახვა. ამის შემდეგ, მე კვლავ შევხვდი გიორგის 2012 წლის 02 იანვარს, ჩემს სახლთან ახლოს. იგი იმყოფებოდა თავისი კუთვნილი ავტომანქანით, მგონი სახ. ნომრით SIB 007. მე ჩავჯექი მისი ავტომანქანის წინა სალონში და წავედით 9 აპრილის ქუჩის მიმდებარე ტერიტორიაზე. ჩვენ მხოლოდ და მხოლოდ ვისაუბრეთ ზოგადად. მან შემომთავაზა, რომ მასთან მქონოდა სქესობრივი კავშირი. მე ვპასუხობდი უარით და დავაპირე ავტომანქანიდან გადმოსვლა, რაზედაც მან მითხრა, რომ დავმჯდარიყავი და წამიყვანდა სახლში და ასეც მოხდა. მე გიორგიმ მითხრა, რომ ამის შემდეგ მე მასთან დამერეკა მხოლოდ იმ შემთხვევაში, თუ მასთან მექნებოდა სქესობრივი ურთიერთობა.

2012 წლის 31 იანვარს, მე მესიჯი მივწერე გიორგი სიბაშვილს, „არ გინდა მიიღო რისი მიღებაც გინდა და გგონია, რომ შენ გეკუთვნის მეთქი“. ამაზე მომწერა პასუხი, რომ გარკვევით მიმეწერა რას ვგულისხმობდი. შემდეგ მე დავურეკე მობილურ ტელეფონზე და ვუთხარი, რომ შემხვედროდა, რაზედაც დამთანხმდა. მე ამ დროს უკვე ვიყავი შემზადებული. დილით ადრე ავიღე მამაჩემის, დავით ნიკოლაშვილის კუთვნილი „ტამფულიოს“ სისტემის ცეცხლსასროლი იარაღი, რომელიც მამაჩემს ჩაკეტილი ჰქონდა რკინის კარადაში. მე ვიცოდი სეიფის გასაღები სადაც იყო, ამიტომ ავიღე, გავხსენი, გამოვიღე იარაღი და ჩავდე ჩემს ხელჩანთაში, იმ მიზნით, რომ მე გიორგი სიბაშვილი უნდა მომეკლა.

დაახლოებით დღის 17 საათზე, მე და გიორგი შევხვდით ქალაქ გურჯაანის კულტურის სახლის უკან, სადაც მოვიდა მეგობრის, ვინმე თემურის ავტომანქანით, სახელმწიფო ნომერი არ მახსოვს. მე ჩავჯექი ავტომანქანის წინა სალონში, გიორგის გვერდით. ვაპირებდი, რომ იქვე განმეხორციელებინა გასროლა, მაგრამ ვერ მოვახერხე. გიორგიმ დაძრა მანქანა და ჩავიდა გურამიშვილის ქუჩის ბოლოს. შემდეგ მე ვთხოვე, რომ წავსულიყავით ისეთ ადგილზე, სადაც ვიგუნდავებდით. მან მანქანა დაძრა და წავიდა ზიარის მიმართულებით. გავცდით პარკის ტერიტორიას, წავედით ზევით და მანქანა გადააყენა გზიდან მაყვლის ბარდებისკენ. გიორგი გადავიდა უკანა სავარძელზე და მთხოვა, მეც გადავსულიყავი.

მე ვუთხარი, რომ გადავსულიყავით თოვლში, რაზედაც მან უარი მითხრა. ვუთხარი, რომ ხელები მქონდა ჭუჭყიანი და თოვლით დავისველებდი, რის შემდეგაც მე გადმოვედი მანქანიდან, ავიღე თოვლი, დავისველე ხელები, მას ეჭვი რომ არ შეპარვოდა რაიმეში. მან ჩემს მოქმედებას ყურადღება არ მიაქცია, რადგან ლაპარაკობდა ტელეფონზე. ამ დროს, მე მივედი ავტომანქანასთან. არ ჩავმჯდარვარ, ისე ავიღე ხელჩანთა, რომელსაც აქვს რამდენიმე განყოფილება და დავიწყე იარაღის ხელით მოსინჯვა. იმ დროისთვის იარაღი უკვე გადატენილი და შემზადებული მედო ჩანთაში. გიორგიმ შემამჩნია ხელით რომ ვსინჯავდი ჩანთას და მითხრა, რას აკეთებო და ჩანთაზე მოკიდა ხელი და თავისკენ გაქაჩა. მე ამ დროს უცბად ამოვიღე ჩანთიდან იარაღი და დავუმიზნე გიორგის პირდაპირ.

ამ დროს, იარაღსა და გიორგის შორის ერთი მეტრი მანძილიც არ ყოფილა. ის იჯდა ავტომანქანის უკანა სავარძელში, მე ვიდექი წინა სავარძლის კარებთან და ისე მქონდა გიორგის მიმართულებით იარაღი დამიზნებული. ამაზე გიორგიმ დამიწყო ყვირილი, რას აკეთებ, ღმერთი არა გწამსო და დამიწყო ხვეწნა, რომ არ მომეკლა. მეუბნებოდა, რომ შევსულიყავით ეკლესიაში და მუხლდაჩოქილი მთხოვდა პატიებას. მეუბნებოდა, რომ დამეცალა და გადმოვიდოდა ავტომანქანიდან. ამ დროს მან გადასწია წინა სავარძელი და უცბად, ხელი მომკიდა იარაღის ლულაზე, გაწია გვერდზე, გადმოვიდა ავტომანქანიდან. მე ინერციით წავედი უკან, წავიქეცი. გიორგი ძირს დაეცა. იარაღზე ხელი გვეკიდა ორივეს და ამ დროს მოხდა ერთი გასროლა. შემდეგ გიორგიმ ეს იარაღი წამართვა, ჩამსვა მანქანაში, ვისაუბრეთ, რომ მე ვიყავი გიჟი და დამემუქრა მოკვლით. შემდეგ ვიღაცასთან დარეკა, რომელიც დაგვხვდა მშენებარე ეკლესიასთან, რა ავტომანქანა იყო, არვიცი. შემდეგ გიორგიმ მითხრა, რომ წავსულიყავი სახლში, მაგრამ მე ვუთხარი, რომ დაებრუნებინა იარაღი და ისე წავიდოდი, ან წავსულიყავით პოლიციაში მამამისთან და მომეყოლა, თუ როგორი შვილი ჰყავდა. ამის შემდეგ, ჩვენ მოვედით პოლიციაში“ - აღნიშნულია ჩვენებაში.

P.S. პოლიციის თანამშრომელი 21 წლის გიორგი სიბაშვილი კახეთის ვიცე-გუბერნატორის გიორგი სიბაშვილის ძმის შვილია. მისი მამა გოჩა სიბაშვილი კი გურჯაანის პოლიციის უფროსის მოადგილეა. დაკავებული ჟურნალისტის მამა დავით ნიკოლაშვილი კი ბიძინა ივანიშვილის მოძრაობა "ქართული ოცნების" ერთ–ერთი აქტიური მხარდამჭერია გურჯაანში.

საკრებულომ სარეზერვო ფონდიდან გზების გაწმენდისთვის 3000 ლარი გამოყო

2012-02-10T21:17:00.001+04:00

დედოფლისწყაროს მუნიციპალიტეტის საკრებულოს გადაწყვეტილებით, ადგილობრივი ბიუჯეტის სარეზერვო ფონდიდან გზების თოვლისგან და ყინულისგან გაწმენდისათვის 3000 ლარი გამოიყო - ამის შესახებ საკრებულოს თავმჯდომარე ლევან ბაღაშვილმა რიგგარეშე სხდომაზე განაცხადა.

დედოფლისწყაროს მუნიციპალიტეტის საკრებულოს რიგგარეშე სხდომა 10 თებერვალს ჩატარდა. სხდომამ მიიღო გადაწყვეტილება დედოფლისწყაროს მუნიციპალიტეტის გამგებლისათვის გამარტივებულ შესყიდვაზე თანხმობის მიცემის შესახებ, ასევე, შეიტანა ცვლილებები „დედოფლისწყაროს მუნიციპალიტეტის გამგეობის დებულების დამტკიცების შესახებ“ დედოფლისწყაროს მუნიციპალიტეტის საკრებულოს 2012 წლის 26 იანვრის №6 დადგენილებაში, რაც ითვალისწინებს მუნიციპალიტეტის გამგებლისათვის ახალი მოადგილის დამატებას სოფლის მეურნეობის განვითარების დარგში.

აღნიშნულ სხდომაზე დეპუტატებმა განიხილეს დიდთოვლობით გამოწვეული პრობლემები. საკრებულოს გადაწყვეტილებით, ადგილობრივი ბიუჯეტის სარეზერვო ფონდიდან გზების თოვლისა და ყინულისაგან გაწმენდისათვის გამოიყო 3000 ლარი.

დიდთოვლობის გამო დედოფლისწყაროში ისევე, როგორც კახეთის სხვა რაიონებში პრობლემებია შექმნილი. მოყინულ გზებზე შეზღუდულია გადაადგილება, როგორც ფეხით მოსიარულეთათვის, ასევე ავტომობილებისთვის. დადგენილ რეჟიმში არ მუშაობს საზოგადოებრივი ტრანსპორტიც. /ქიზიყი/

ფონდი "ქართუ"–ს პრეზიდენტმა ირაკლი ღარიბაშვილმა დედოფლისწყაროში საქმიანი შეხვედრები გამართა

2012-02-10T21:07:00.000+04:00

დაბომბავს თუ არა შირაქის აეროდრომიდან ამერიკა ირანს და რა გეგმის ნაწილია ლაზიკას მშენებლობა?!

2012-02-10T12:02:00.001+04:00

თბილისში გამომავალი გაზეთი „ქართული სიტყვა“, რომლის რედაქტორი წარმოშობით დედოფლისწყაროელი ცნობილი ჟურნალისტი ვანო პავლიაშვილი გახლავთ, საინტერესო სტატიას აქვეყნებს. პუბლიკაციაში საუბარია იმის თაობაზე, აშენდება თუ არა ლაზიკა სირიელი სომხების ფულით და დაბომბავს თუ არა ამერიკა ირანს შირაქის აეროდრომიდან.

ამ თემის ირგვლივ ვრცელ კომენტარს აკეთებს კავკასიის საკითხების ექსპერტი მამუკა არეშიძე.

– ბატონო მამუკა, კულუარული ინფორმაციით, ქალაქი ლაზიკა ამერიკელების დაკვეთა-დაფინასებით უნდა აშენდეს და, ირანთან ომის შემთხვევაში, თეთრი სახლი ლაზიკას სამხედრო პლაცდარმად გამოიყენებს...
– მცდარი ინფორმაციაა. პლაცდარმად შეიძლება, ის ადგილი გამოიყენო, სადაც აეროდრომია. საქართველოში არის აეროდრომები, რომლებიც ბევრად ახლოსაა ირანთან და სულაც არ არის საჭირო ლაზიკას აშენება.
– რომელ აეროდრომებს გულისხმობთ?
– მაგალითად, სამხრეთ საქართველოში, დედოფლისწყაროს რაიონში შირაქის აეროდრომს... აეროდრომი მარნეულის რაიონშიცაა. მოკლედ, იმის თქმა, ლაზიკა იმისთვის უნდა აშენდეს, რომ იქიდან ირანი დაიბომბოსო, სრული სისულელეა.
– რამდენადაც ჩემთვის ცნობილია, იქ, სადაც ლაზიკა უნდა აშენდეს, პორტისთვის კარგი ყურეა და აშშ-ს, თურმე, სწორედ ეს აინტერესებს......
– თუ საპორტო ნაგებობას გულისხმობთ, ბათუმშიცაა, ფოთშიც და საამისოდ ლაზიკას რატომღა ააშენებენ? საქმე სულ სხვა რამეშია – შეუმოწმებელი ინფორმაციით, შემიძლია გითხრათ, რომ ლაზიკა შეიძლება, იმ ფულით აშენდეს, რომელიც ევროსტრუქტურებმა მუსულმანი მესხების ქართულ საზოგადოებაში ინტეგრაციისთვის გამოყვეს. 2012 წელს ყველა ვადა მთავრდება და საქართველოს მთავრობა იძულებულია, მუსულმანი მესხები საქართველოში დააბრუნოს. მათ სჭირდებათ განსახლების არეალი. რიგი მიზეზების გამო, ჯავახეთში მათი განსახლება არ მოხდება – ჯავახეთში სომხური მოსახლეობაა, რომელიც მუსულმანებს ვერ აიტანს და დაპირისპირება მოხდება. მუსულმანი მესხების დიდი ნაწილი, რომელმაც საქართველოში დაბრუნების სურვილი განაცხადა, თანახმაა, რომ საქართველოს სხვადასხვა კუთხში განსახლდეს, თუმცა არ გამოვრიცხავ, საქართველოს მთავრობაში ვინმეს აზრად მოუვიდეს, რომ მუსულმანი მესხები კომპაქტურად დაასახლონ და ეს თანხა იმისთვის გამოიყენონ, რომ ქალაქი ლაზიკა ააშენონ. გარდა ამისა, არსებობს მოარული ხმა, რასაც გვიდასტურებს რამდენიმე უცხოური წყარო – სირიელი სომხების შეძლებულ ნაწილს უნდა, რომ გაერიდოს სავარაუდო სამოქალაქო ომს სირიაში და თავი შეაფაროს სხვა ქვეყანას. ამ მოარული ხმის მიხედვით, ეს ქვეყანა საქართველოა. ხაზს ვუსვამ, – შეძლებულ სომხებზეა ლაპარაკი. ამ ხმის რეალობას ისიც ადასტურებს, რომ რუსეთის მხრიდან დიდი ზეწოლაა აფხაზეთის მთავრობაზე, რომ მან სირიაში მცხოვრები მუჰაჯირების შთამომავლები მიიღონ.
– ბატონო მამუკა, ამასწინათ განცხადეთ, რომ სირიელ მუჰაჯირებს რუსული ორიენტაცია აქვთ. სირიელი სომხებიც რუსული ორიენტაციისანი არიან?
– დიახ, სირიელი სომხები აბსოლუტურად რუსული ორიენტაციის არიან. ამიტომ, არ გამოვრიცხავ, რომ დიდ პოლიტიკაში ლაზიკამ გარკვეული როლი შეასრულოს. თუ ეს ქალაქი აშენდა და თუ ის, რაზეც ჩვენ ვლაპარაკობთ, რეალობად იქცა, მაშინ აფხაზეთის ტერიტორიაზე პრორუსულად განწყობილ აფხაზებს მივიღებთ, მიმდებარე ტერიტორიაზე, ქალაქ ლაზიკაში კი, – პრორუსულად განწყობილ სომხებს და აშკარად პრორუსული განწყობის ორი ეთნოსის გარემოცვაში აღმოვჩნდებით. სირიელი სომხები, რომლებზეც ვლაპარაკობ, საკმაოდ შეძლებულნი არიან და თავისუფლად შეუძლიათ, ფული ჩადონ ისეთი ინფრასტუქტურის განვითარებაში, რომელიც ლაზიკის მშენებლობას დასჭირდება. სერიოზულ თანხებზეა ლაპარკი, ისე ქალაქი ვერ აშენდება. ლაზიკის ასაშენებლად ჯერ საჭირო იქნება ინფრასტრუქტურის მომზადება – ჭაობების დაშრობა, ნაგებობებისთვის სერიოზული საძირკვლის ჩაყრა და სხვა რთული სამუშაოების ჩატარება, რაც ძალიან ძვირი დაჯდება. ასე რომ, ლაზიკა სახიფათო პროექტია როგორც ეკოლოგიური, ასევე, ეთნიკური თვალსაზრისით და, აქედან გამომდინარე, პოლიტიკური კუთხითაც.
– დღეს მსოფლიო პოლიტიკაში ყველაზე აქტუალური ირანის თემაა. საბოლოო ჯამში, როგორი იქნება ამერიკის პოზიცია?
– ამერიკის ხელისუფლებას ნამდვილად არ უნდა და არც აწყობს ირანთან კონფრონტაცია, რადგან წინ ნოემბრის არჩევნებია. თეთრმა სახლმა ჯერ კიდევ წლის დასაწყისში ხაზი გაუსვა, რომ 2012 წელი არჩევნების წელია და აშშ ყველაფერს გააკეთებეს ისრაელის ირანზე სავარაუდო თავდასხმის შესაკავებლად. არჩევნების დროს ამერიკისთვის პოლიტიკურად წამგებიანია ამ ომში ჩართვა. ობამამ განაცხადა, 2012 წელს ყველა სამშვიდობო საშუალება იქნება გამოყენებული, რათა ისრაელსა და ირანს შორის შეირაღებული დაპირისპირება არ მოხდესო, თუმცა აშშ იმაზე პასუხისმგებლობას, თუ როგორ განვითარდება მოვლენები 2013 წელს, ვერ აიღებს. ობამას მხრიდან ეს იყო პირდაპირი მინიშნება, რომ არჩევნების დროს შეირაღებული დაპირისპირება თეთრ სახლს არ აწყობს, მაგრამ ისრაელის პოზიცია შეუვალია – თუ ირანზე დარტყმას დააპირებს, მხოლოდ 12 საათით ადრე შეატყობინებს ირანის ადმინისტრაციას. 12 საათი საკმარისი დრო არაა და ირანის ადმინისტრაცია მობილიზებას ვერ მოასწრებს.
– ირანი ისრაელთან დიდი ომის გასაჩაღებლად სერიოზულად ემზადება – ატომურ ბომბს ამზადებს. თქვენი ვარაუდით, ირანს ატომური იარაღი, დახლოებით, რამდენ ხანში ექნება?
– სხვადასხვა დასკვნით, ეს პროცესი ირანმა მაისში უნდა დაამთავროს. ირანის მიერ ატომური ყუმბარის შექმნა ისრაელის სახელმწიფოს დამთავრებას ნიშნავს. დღევანდელი თეირანისა და იერუსალიმის ხელმძღვანელობას ერთმანეთის მიმართ ერთნაირი მიდგომა აქვს – კართაგენი უნდა დაინგრეს! ისრაელისთვის ირანია კართაგენი, ირანისთვის კი – ისრაელი. ორივე ქვეყანა უკომპრომისოა. ამიტომაც, ვითარება რთულია და მესამე ძალის ჩარევამ შეიძლება, მდგომარეობა ვერ შეცვალოს, თუმცა ამ პროცესში ჩართვა მთელ მსოფლიოს შეუძლია და ასეც ხდება – ირკვევა, რომ ირანში ისევ მიემგზავრებიან საერთაშორისო ორგანიზაცია ,,მაგატე"-ს ატომური საქმის სპეციალისტები, რომლებიც რევიზიას ჩაატარებენ იმ ობიექტებზე, სადაც ატომური ნივთიერებები მუშავდება. ისრაელის ხელისუფლებამ ყველაფერი გააკეთა და აკეთებს, რომ ირანს ხელი შეეშალოს ატომური პროექტის რეალიზაციაში. ისრაელის ხელისუფლება იმდენად შორს წავიდა, რომ უკვე ირანის ტერიტორიაზე ანადგურებს იმ პიროვნებებს, რომლებიც ირანის ატომურ პროექტში მონაწილეობდნენ. მაგალითად, სამი ირანელი მეცნიერია დაღუპული, მათ შორის, ყველაზე მნიშვნელოვანი გახლდათ ამ პროექტის ერთ-ერთი ხელმძღვანელი გენერალი მოკადამი, რომელიც მოსად-მა პირდაპირ ირანის ერთ-ერთ სამხედრო ბაზაზე ააფეთქა. როგორც ჩანს, ისრაელის სპეცსამსახურები მხოლოდ ირანელ კი არა, იმ რუს სპეციალისტებზეც იწყებენ ნადირობას, რომლებიც ირანს ატომური პროექტის რეალიზაციაში იღებენ მონაწილეობას. ასე რომ, სიტუაციის პროგნოზირება ძალიან რთულია.
– ბატონო მამუკა, მინდა, ისევ სომხურ თემას დავუბრუნდე და ნიკოლა სარკოზის განცხადებას შევეხო, სომხების გენოციდი საფრანგეთის ყველა მოქალაქემ უნდა აღიაროს, წინააღმდეგ შემთხვევაში, ან 12 წლით წავა ციხეში, ან 45 000 ევროს გადაიხდისო. არის თუ არა ეს ადამიანის უფლების შელახვა?
– საქმე ისაა, რომ საერთაშორისო ნორმებში არის ასეთი დეფინიცია – შეიძლება, შეილახოს ადამიანის უფლებები, კონკრეტულ ადამიანთა ჯგუფის უფლებები იმ შემთხვევაში, თუ ეს ემსახურება სხვა ადამიანთა დიდი ჯგუფის უფლებების დაცვას. საფრანგეთის პოზიცია ძლიერი სომხური ლობის გავლენითაა განპირობებული, რომელიც ამ შემთხვევაში, სარკოზის გვერდით დგას. თუ სარკოზი ამ გადაწყვეტილებას არ მიიღებდა, არ იყო გამორიცხული, რომ სომხური ლობი მისი მოწინააღმდეგის მხარეზე გადასულიყო. საფრანგეთში სარკოზის საემიგრაციო პოლიტიკით უკმაყოფილონი არიან. ამიტომ, საფრანგეთში ნაციონალისტური ტალღა ძლიერია – რიგ რეგიონებში ნაციონალისტებმა უკვე მოიგეს ადგილობრივი მუნიციპალური არჩევნები. სარკოზიმ გადაწყვიტა, რომ ნაციონალისტებს ე.წ. პატრიოტული მიდგომა დაუპირისპიროს და განაცხადა, საფრანგეთი იბრუნებს გავლენას მსოფლიოს იმ ტერიტორიებზე, რომელიც ადრე ჰქონდაო და ამ ,,ტერიტორიებში" წინა აზია იგულისხმება. ამ კონტექსტში უნდა განვიხილოთ კავკასიაში რამდენიმე თვის წინ სარკოზის ვიზიტი. ასევე, ამის გამოძახიალია საფრანგეთის თავდაცვის მინისტრის განუწყვეტელი განცხადებები, რომ ირანთან ომის დაწყების შემთხვევაში, საფრანგეთი ირანის წინააღმდეგ ბრძოლებში ჩაებმება. საფრანგეთს ტრადიციული გავლენა ჰქონდა სირიაში, ლიბანში და ამ გავლენის დასაბრუნებლად აუცილებლად იბრძოლებს.
– რუსეთი გულ-ხელ დაკრეფილი არაა და ე.წ. ირანული ომისთვის ემზადება. რას მოუტანს ეს ომი რუსეთს?
– გასული წლის დეკემბრიდან, რუსეთის სამხედრო ინფრასტრუქტურა სამხრეთისკენაა მიმართული. დამრტყმელი ძალა, საზღვაო თავლსაზრისით, თავმოყრილია კასპიის ზღვის რეგიონში. რუსეთის ერთადერთი ავიამზიდი – ,,ადმირალი კუზნეცოვი" სირიის ტერიტორიულ წყლებშია. გარდა ამისა, აბსოლუტურად მობილიზებული და საბრძოლო მდგომარეობაშია #2, 49-ე და 58-ე არმიებში, რომლებიც სამხრეთ კავკასიაში არიან განლაგებულნი, თუმცა არ მგონია, რომ ირანზე აგრესიის სემთხვევაში, რუსეთმა ღიად დაუჭიროს მხარი ირანს, რადგან ამის საშუალება დღეს რუსეთს არ აქვს. თუ რუსეთის სტრატეგიულ პატრნიორს, ირანს დამარცხების საფრთხე შეექმნება, რუსეთი შეეცდება, ასე ვთქვათ, წელში გადატეხოს სამხრეთ კავკასიაში დასავლეთის სტრატეგიული მოკავშირეები – აზერბაიჯანი და საქართველო. რუსეთი იმოქმედებს პრინციპით, კბილი კბილის წილ... ირანის დამარცხების შემთხვევაში, აშშ-სა და დასავლეთის სამხედრო ძალები სომხეთის საზღვრებზე გამოჩნდებიან, რაც რუსეთისთვის სომხეთის თანმიმდევრულ დაკარგვას გამოიწვევს. 102-ე ბაზას, რომელიც სომხეთშია განლაგებული, რუსეთისთვის გადამწყვეტი მნიშვნელობა აქვს. ეს ბაზა სამხედრო აღჭურვილობას და საკვებს საჰაერო გზით იღებს, რომელიც საქართველოზე გადის – სოხუმიდან თვითმფრინავებს გააქვთ. საწვავს და იარაღის დიდ ნაწილს კი, – ირანიდან. ომის შემთხვევაში, არაა გამორიცხყული, ირანიდან შემომავალი გზები ჩაიკეტოს და 102-ე ბაზა მომარაგების გარეშე დარჩეს. ასეთ დროს რუსები საქართველოს ტერიტორიაზე კორიდორის გაკეთებას მოინდომებს, რომ თავისი ბაზა მოამარაგოს და ამ კორიდორის სავარაუდო მარშრუტი იქნება – ცხინვალი-ბორჯომი-ახალქალაქი, რაც ძალიან მძიმე დარტყმა იქნება ჩვენი ქვეყნისთვის.
ისე, მგონია, რომ ირანთან ომის შემთხვევაში, საქართველოს არ ექნება მთავარი ფუნქცია და ჩვენთან მხოლოდ დასავლეთის მისიები განთავსდება. საქართველოს ტერიტორიადან არ მოხდება ირანზე დრტყმა იმიტომ, რომ ამისთვის აშშ-ს ჰყავს მე-5-ე ფლოტი, რომელიც სპარსეთის ყურეში იმყოფება, თურქეთის ტერიტორიაზე კი, აერდრომებია, მაგრამ ირანთან ომის დაწყების შემთხვევაში, სამხრეთ კავკასია ჩართული აღმოჩნდება ამ პროცესებში.
– მაინც, რა ფორმით?
– ამას მოვლენების განვითარება გვიჩვენებს. /გაზეთი "ქართული სიტყვა"/

შირაქის აეროდრომი რომელიც სტრატეგიული დანიშნულების სამხედრო პუნქტად ითვლებოდა. აქედან აფრენილი თვითმფრინავების ფრენის სიშორე ნატოში შემავალი ქვეყნების ტერიტორიებაამდე აღწევდა. ასეთივე ბაზა იყო გიუმრიში და აზერბაიჯანში (დიდი რადიოსადგური). ხსენებულ აეროდრომის ტერიტორიაზე 2008 წლის აგვისტოში რუსული ჭურვები ცვიოდა. /ქიზიყი/

ზემო ქედელი 21 წლის ლევან ნათათრალაშვილი ბატალიონის რიგითის მიერ გასროლილი ტყვიით გარდაიცვალა

2012-02-09T15:41:00.000+04:00

დედოფლისწყაროს რაიონის სოფელ ზემო ქედში მცხოვრები, 21 წლის ლევან ნათათრალაშვილი 2007 წლის 13 ივლისს გარდაიცვალა. ზემო აფხაზეთში, სამშვიდობო მისიის შესასრულებლად დედოფლისწყაროდან გაწვეული ჯარისკაცი სავალდებულო სამხედრო სამსახურს კრწანისის სასწავლო ცენტრში იხდიდა. კოდორის ხეობაში ნათათრალაშვილი და მისი ბატალიონის წევრები უბედურ შემთხვევამდე 10 დღით ადრე, შინაგან საქმეთა სამინისტროს მოთხოვნით გაიწვიეს.

დეტალებზე სასაუბროდ "ქიზიყი" გარდაცვლილის ძმას რამდენჯერმე დაუკავშირდა, თუმცა მან მისი ძმის გარდაცვალების საკითხზე საუბარი არ ისურვა. გარდაცვლილის ოჯახის წევრების ინფორმაციით, ლევან ნათათრალაშვილს იმავე ბატალიონის რიგითის მიერ, უსაფრთხოების წესების დარღვევით გასროლილი ტყვია მოხვდა, რომელშიც თავად მსახურობდა: „ერთი წელი იყო, რაც ლევანი ჯარში, თავის ძმასთან, ზურასთან ერთად წავიდა. ძმები სავალდებულო სამხედრო სამსახურს კრწანისის სასწავლო ცენტრში გადიოდნენ. რამდენიმე დღის წინ, შინაგან საქმეთა სამინისტროს მოთხოვნით, ბატალიონის წევრები, კრწანისის სასწავლო ცენტრიდან ზემო აფხაზეთში მიავლინეს სამშვიდობო მისიის შესასრულებლად. როგორც გვითხრეს, ერთ-ერთ რიგითი ლადო კაბულაშვილი, რომელიც ლევანისთან მეგობრობდა, თავისი საგუშაგოდან დაბრუნების შემდეგ საკონტროლო გასროლას ახდენდა. იარაღის განმუხტვის დროს მას ტყვია გაუვარდა, რომელიც ქვას მოხვდა. ქვამ ტყვია აისხლიტა და იქვე, ახლოს მდგომ ლევანს მოხვდა. ტყვიამ მას ჯერ ხელ-ფეხი დაუზიანა, შემდეგ შიდა ორგანოები და ბოლოს ზურგიც," - ამბობს ნათათრალაშვილების ოჯახის ახლობელი გიორგი ღირსიაშვილი..

არასამთავრობო ორგანიზაცია "ადამიანის უფლებათა ცენტრის" ცნობით, დაჭრილი ჯარისკაცი ზემო აფხაზეთში, სოფელ აჟარის საავადმყოფოში გადაიყვანეს, სადაც ექიმებმა მისი გადარჩენა სცადეს, მაგრამ ლევანი საავადმყოფოში მიყვანიდან 3 საათში გარდაიცვალა.

„ჭრილობა სასიკვდილო აღმოჩნდა. ტყვიამ ლევანს ხელ-ფეხის გარდა ღვიძლი, სისხლ-ძარღვები და ზურგის ტვინიც დაუზიანა. ნათათრალაშვილის გარდაცვალების მიზეზიც სწორედ ეს გახდა. მის ცხედარს ექსპერტიზა ზუგდიდის პროზექტურაში ჩაუტარდა და დასკვნა მზად რამდენიმე დღეში იქნება,“ - განაცხადეს აჟარის საავადმყოფოს ექიმებმა.

უფლებადაცვით ორგანიზაციაში ირწმუნებიან, რომ სამართალდამცავებმა კრწანისის სასწავლო ცენტრის ბატალიონის რიგითი ლადო კაბულაშვილი მკვლელობის დღესვე დააკავეს. მას ბრალი სიცოცხლის გაუფრთხილებლობით მოსპობის მუხლით წაუყენეს. დანაშაული 2 - დან 4 წლამდე თავისუფლების აღკვეთას ითვალისწინებს.

გარდაცვლილის მშობლებს და ოჯახის წევრებს ბრალდებულის მიმართ პრეტენზიები არ აქვთ. ისინი მომხდარში თავდაცვის და შინაგან საქმეთა სამინისტროებს ადანაშაულებდნენ.

უბედური შემთხვევა ყველგან ხდება, მაგრამ ქართულ ჯარში, რომლის აღმავლობის შესახებაც ხელისუფლება 24 საათი ლაპარაკობს, ასეთი ფაქტები, მით უფრო ასეთი სიხშირით, არ უნდა ხდებოდეს. იარაღი იმ ადამიანებს, ვინც მისი უსაფრთხოდ გამოყენება არ იცის, არ უნდა ანდონ. ვერაფრით ამიხსნია, ლევანმა ერთი ტყვიით ამდენი ჭრილობა როგორ მიიღო ან დაჭრიდან 3 საათზე მეტი თუ იცოცხლა, მისი გადარჩენა რატომ ვერ მოხერხდა. სად იყო იმ დროს რიგითების ზედამხედველი თუ მეთაური, როცა კაბულაშვილი საკონტროლო გასროლას უსაფრთხოების წესების დარღვევით ახდენდა?," - კითხულობს დაღუპულის მამა გიორგი ნათათრალაშვილი.

მომხდართან დაკავშირებით არც თავდაცვის და არც შინაგან საქმეთა სამინისტროში კომენტარი არ გააკეთეს. შსს-ს წარმომადგენლებმა მხოლოდ გარდაცვლილის ოჯახს მიუსამძიმრეს და დაკრძალვის ხარჯები დაფარეს. გარდაცვლილის ახლობლების თქმით, სამინისტროს წარმომადგენლებმა მათ აღუთქვეს, რომ მიმდინარეობს გამოძიება და უმკაცრესად დაისჯებიან ის ადამიანები, ვისაც შემთხვევის ადგილზე უსაფრთხოების წესების დაცვა და რიგითების ზედამხედველობა ევალებოდა.

მსგავსი დაპირება, ცოტა ხნის წინ, თავდაცვის სამინისტროს უფლისციხის სამხედრო ნაწილში, ასევე გაუფრთხილებლობით მოკლული 19 წლის გიორგი მუმლაძის ოჯახის წევრებმაც მიიღეს, თუმცა, გამოძიებას მკვლელობაში ეჭვმიტანილის, ამავე სამხედრო ნაწილის რიგითის გიორგი ოზბეთელაშვილის მეტი არავინ დაუსჯია.

უფლებათა ცენტრის ცნობით, სიცოცხლის გაუფრთხილებლობით მოსპობა – საქართველოს სისხლის სამართლის კოდექსის აღნიშნული მუხლით არის დაწყებული გამოძიება, ქართულ ჯარში, ჯარისკაცთა მკვლელობის თითქმის ყველა ფაქტზე. უბედური შემთხვევები, როგორც ამას თავდაცვის სამინისტროს წარმომადგენლები უწოდებენ, ბოლო დროს საგრძნობლად გახშირდა. /ქიზიყი/

პატიმრებს აყეფებენ - მსჯავრდებულებს "კვირის პალიტრის" გარდა სხვა გაზეთის კითხვა ეკრძალებათ

2012-02-09T13:03:00.000+04:00

ქუთაისის #2 სასჯელაღსრულების დაწესებულებაში მსჯავრდებულებს ჟურნალებისა და გაზეთი "კვირის პალიტრის" გარდა სხა გაზეთის წაკითხვა ეკრძალებათ. ამის შესახებ სახალხო დამცველის მიერ გამოქვეყნებული მონიტორინგის შედეგები იუწყება, რომელიც ომბუდსმენის ოფიციალურ ვებ გვერდზე გამოქვეყნდა.

მონიტორინგის შედეგებში ასევე ნათქვამია, რომ კარანტინში ყოფნისას პატიმრებს აყეფებენ.

"მონიტორინგის დროს კარანტინში იმყოფებოდა 23 პატიმარი. კარანტინის საკნის გაღებისას პატიმრები თავზეხელებდაწყობილ მდგომარეობაში დგებიან სახით ფანჯრისკენ. რამდენიმე მათგანმა აღნიშნა, რომ მათ დღეში დაახლოებით სამ–ოთხჯერ უწევთ ამ მდგომარეობაში სარკმელთან განთავსება, რაც ზოგჯერ შესაძლოა ნახევარი საათიც კი გაგრძელდეს. საწოლიდან წამებში არ ან ვერ წამოდგომის შემთხვევაში, მათ დაწესებულების თანამშრომლები სჯიან. პატიმართა ნაწილმა ისიც აღნიშნა, რომ კარანტინში ყოფნისას, დილის შემოწმებაზე, მათ ადმინისტრაციის თანამშრომლები აყენებდნენ ფიზიკურ და სიტყვიერ შეურაცხყოფას, თუმცა, მათივე თქმით, აღნიშნული არ ატარებდა რეგულარულ ხასიათს",-აღნიშნულია სახალხო დამცველის ოფისის კვლევაში.

ტრანსპორტი შეზღუდვით მოძრაობს

2012-02-09T12:01:00.000+04:00

ინტენსიურმა თოვამ წნორი–დედოფლისწყაროს დამაკავშირებელი გზის მონაკვეთი ჩაკეტა. შეფერხებით, ზოგჯერ კი საერთოდ არ მოძრაობს დედოფლისწყარო–არბოშიკი–მაჩხაანის, დედოფლისწყარო–ოზაანისა და დედოფლისწყარო–წნორის მიმართულებით მოძრავი სამარშრუტო ხაზები. ამ სოფლების მაცხოვრებლები ბოლო დღეების განმავლობაში ვერც რაიონული ცენტრისა და ვერც ქალაქ წნორის მიმართულებით გადაადგილებას ვერ ახერხებენ.

„ქიზიყის“ ინფორმაციით, შეფერხებებია ასევე თბილისის მიმართულებით მოძრავ სამარშრუტო ტაქსების გრაფიკშიც. იგივე ვითარებაა დედოფლისწყაროს აზერბაიჯანის მოსაზღვრე სოფლებშიც.
მოძრაობა შეფერხებულია ასევე სიღნაღის სოფლებთან დამაკავშირებელ გზაზე. ძლიერი ყინვის გამო აქ მისვლა შეუძლებელია. არანაირი სატრანსპორტო საშუალება არ მოძრაობს სოფელ ჯუგაანშიც. ქიზიყის გზების დიდ ნაწილზე ამ დრომდე არ არ ჩატარებულა გზის გაწმენდითი სამუშაოები, რის გამოც გახშირდა საავარიო სიტუაციები. მედია ცენტრი კახეთის ცნობით, ბოლო დრეებში მომხდარი ავარიებიდან ერთი მსხვერპლით დასრულდა. წნორის საავადმყოფოში სხვადასხვა მოტეხილობით ყოველდღე შეჰყავთ ავადმყოფები, სასწრაფო დახმარების ბრიგადები მიუხედავად ძლიერი ყინვებისა ინტენსიურად მუშაობენ. /ქიზიყი/

რა პრობლემებია დედოფლისწყაროში დიდთოვლობასთან დაკავშირებით

2012-02-08T21:00:00.005+04:00

კახეთის მხარის გუბერნატორი გიორგი ღვინიაშვილი მუნიციპალიტეტების გამგებლებს შეხვდა. შვებულებაში ყოფნის მიუხედავად შეხვედრას დედოფლისწყაროს მუნიციპალიტეტის გამგებელი ნიკოლოზ შანშიაშვილიც დაესწრო.

შეხვედრაზე ზამთრის სეზონთან დაკავშირებული კახეთის რეგიონში არსებული და მოსალოდნელი პრობლემები განიხილეს.
დიდთოვლობის გამო კახეთის მხარის მთელ ტერიტორიაზე მუნიციპალიტეტების მიერ გაწმენდითი სამუშაოები ინტენსიურად მიმდინარეობდა. ამ დროისთვის ტრანსპორტის მოძრაობასთან დაკავშირებით არსებული შეზღუდვები მოხსნილია, საავტომობილო გზებზე გადაადგილება ყველა სახის ტრანსპორტისთვის ნებადართულია და მოძრაობა უსაფრთხოა.

მოსალოდნელი უამინდობის შემთხვევაში, შესაძლო პრობლემების დროული პრევენციის მიზნით, მობილიზებულია სპეციალური ტექნიკა.
სხდომაზე აღინიშნა, რომ მაღალმთიან სოფლებში გადაადგილება შესაძლებელია მაღალი გამავლობის მქონე ტრანსპორტით. ასეთი სოფლების მომარაგება მედიკამენტებითა და პირველადი მოხმარების საკვები პროდუქტებით რეგულარულად ხორციელდება.

არსებული ვითარება 8 თებერვალს მთელი დღის მანძილზე ინტენსიური თოვის შედეგად კიდევ უფრო გაუარესდა.
საინფორმაციო საშუალებები ავრცელებენ ინფორმაციას, თითქოს დედოფლისწყაროს საზღვრისპირა სოფლები, ქედების ზონა და ასევე სოფლები სამთაწყარო, ფიროსმანი და საბათლო გარესამყაროს არის მოწყვეტილი. ჩაკეტილია ასევე კასრისწყალთან მისასვლელი გზაც.

თუმცა, სოფელ სამთაწყაროს რწმუნებული „ქიზიყთან“ საუბარში ამტკიცებს, რომ სამთაწყარო–თბილისის გზაზე მოძრაობა რთულად, თუმცა მაინც შესაძლებელია. მისი თქმით, ტრანსპორტი გადაადგილებას სამთაწყარო–არხილოსკალოს გზის საკმაოდ რთულ მონაკვეთზეც ახერხებს.
„ახლა აქ იმხელა თოვლი არ არის, რომ ავტომანქანებს მოძრაობა უჭირდეთ. დღეს არ ვიცი, მაგრამ სამშაბათს ჩვენი სოფლიდან თბილისის მიმართულებით მიკროავტობუსები ნამდვილად გავიდა. გარესამყაროს მოსწყდაო, ეგ ინფორმაცია ტყუილია,“ – განმარტავს ნადირაშვილი. /ქიზიყი/

სოფლის რწმუნებულებს ხელფასები გაუორმაგდათ

2012-02-08T17:00:00.000+04:00

მიმდინარე წლიდან სოფლის ტერიტორიული ორგანოს რწმუნებულებს ხელფასი 300 ლარით გაეზრდებათ და მათთვის განკუთვნილი თანამდებობრივი სარგო ყოველთვიურად 700 ლარით განისაზღვრება.
როგორც მუნიციპალიტეტების საკრებულოებში აცხადებენ, სოფლის რწმუნებულთათვის ხელფასების გაზრდის შესახებ ბრძანებულებას პრეზიდენტი გამოსცემს. 2012 წლის იანვრის ჩათვლით ტერიტორიული ორგანოს რწმუნებულის ყოველთვიური სახელფასო ანაზღაურება 400 ლარს შეადგენდა.
სოფელ სამთაწყაროს ტერიტორიული ორგანოს რწმუნებული პაატა ნადირაშვილი „ქიზიყთან“ საუბარში ამბობს, რომ ამჯამად შვებულებაშია და ხელფასის ზრდასთან დაკავშირებით დეტალები მისთვის უცნობია.
სოფელ სამრეკლოს ტერიტორიული ორგანოს სპეციალისტი ზურაბ ლეკაშვილი „ქიზიყთან“ საუბრისას ადასტურებს, რომ ხელფასი მათაც ეზრდებათ, თუმცა რამდენით, მისთვის უცნობია. სამრეკლოს რწმუნებული ვლადიმერ ჭუჭულაშვილი კი ამბობს, რომ არც საკუთარი ხელფასის ზრდისა და ოდენობის შესახებ ფლობს ინფორმაციას. მისთვის ასევე უცნობია, ეზრდებათ თუ არა შრომითი ანაზღაურება სპეციალისტებსაც.
არადა, „ქიზიყის“ ინფორმაციით, დედოფლისწყაროს საკრებულომ ამ საკითხს კენჭი უკვე უყარა.
გარდა ამისა, საკრებულოს დეპუტატები, რომლებსაც საწვავისა და კომუნიკაციისთვის სპეციალურ ტალონებს აძლევდნენ, ამიერიდან ისინი მსგავსი სახის ხარჯებისთვის არ ტალონებს, არამედ, შესაბამისი ოდენობის თანხას მიიღებენ. დეპუტატები ანაზღაურებას მიიღებენ საკრებულოს სხდომებში მონაწილეობისთვისაც. /ქიზიყი/ ილია მარტყოფლიშვილი

მსახიობი ლევან ყოჩიაშვილი დედოფლისწყაროში დაიბადა და გაიზარდა

2012-02-08T11:47:00.000+04:00

EXCLUSIVE - თავდაცვის სამინისტროს მიერ შექმნილი ტელეკომპანია „საქართველო“, რომელიც ძირითადად სამხედრო შინაარსის გადაცემებს ამზადებს ამიერიდან ტელეკომპანია „რუსთავი 2“–ის შემადგენლობაში გადავიდა. ამის შესახებ ამ ტელეკომპანიების ცნობილი ხმა, მსახიობი ლევან ყოჩიაშვილი გაზეთ „შირაქისთვის“ მიცემულ ექსკლუზიურ ინტერვიუში საუბრობს.
„ჩემი ძირითადი სამსახური ახლა ტელეკომპანია „საქართველოშია“, რომელიც ადრე თავდაცვის სამინისტროს არხი იყო, ახლა კი ეს ტელევიზია „რუსთავი2“-ს ექვემდებარება. ასევე ვთანამშრომლობ სარეკლამო სააგენტოებთანაც. საკმაოდ დატვირთული დღის რეჟიმი მაქვს. სულ ვმოძრაობ. ასეა, ახლა ქართველ ხელოვანთა დიდი ნაწილი მოკრძალებულად ცხოვრობს,“ – აღნიშნავს ყოჩიაშვილი.

ის ტელეკომპანია „რუსთავი2“–ის პოპულარულ სერიალში „ჩემი ცოლის დაქალები“ ერთ–ერთ მთავარ როლს ასრულებს.

დათო, მისი ცოლი და ცოლის დაქალები

უკვე რა ხანია, სერიალების მოყვარული ტელემაყურებელი მოუთმენლად ელის "რუსთავი 2"_ზე შაბათს, საღამოს 10 საათზე, ქართული სერიალის " ცოლის დაქალების" დაწყებას, რომელმაც პირველი სერიებიდანვე გაამართლა ხანგრძლივი ანონსებით გამოწვეული ინტერესი. ქართული ხასიათი, ტრადიციები, ზნე_ჩვეულებები და რეალური ცხოვრებიდან აღებული სიუჟეტები მაყურებლის გემოვნებაში ჯდება და აღძრავს ინტერესს, მოუთმენლად დაელოდოს მომდევნო სერიას. დროც ნორმალური აქვს შერჩეული _ მთელი დღის და საღამოს განმავლობაში ათასი ჯურის ტელესერიალებით თავმობეზრებული და გაღიზიანებული ამ სერიალის ყურებით გუნებას გამოიკეთებ. დამშვიდდები და ნასიამოვნები დაიძინებ იმ იმედით, რომ ჯერ კიდევ შეგვრჩა ქართული ზნეობა, მეობა, ნორმა, ფორმა და წონა_ზომა.

ახალი ქართული სერიალი "ჩემი ცოლოს დაქალებია”. ეს სერიალი არც ერთი საზღვარგარეთული პროექტის ანალოგი არ გახლავთ. იგი ქეთი დევდარიანის და მიშა მშვილდაძის სცენარითაა, რეჟისორი კი გიორგი ლიფონავა. ოთხი მთავარი გმირის: დათოს, მისი ცოლის ნინას და ცოლის ორი დაქალის კატოს და თინას გარშემო ტრიალებს ამბავი. დათოს როლს ლევან ყოჩიაშვილი ასრულებს. ზოგიერთმა თქვენთაგანმა ალბათ იცის, ვინ არის ლევან ყოჩიაშვილი. უმრავლესობა კი გუმანით ხვდება, რომ ის ჩვენებურია. დღეს თქვენს ცნობისმოყვარეობას დავაკმაყოფილებთ და ძირფესვიანად გაგაცნობთ ამ ახალგაზრდა კაცს, მის წარმომავლობას, განვლილ დედულეთში _ ქ. წყალტუბოში. იმის გამო, რომ დედამისი, ექიმი მარინა ქორიძე, მაშინ რაიონის მთავარი ექიმის მოადგილე გახლდათ სამკურნალო დარგში და ძალიან დაკავებული იყო სამსახურებრივად, ამასთან, უფროსი ვაჟი პავლეც სულ რაღაც 2-3 წლის იყო, ლევანი წყალტუბოში პაპა–ბებიასთან მერი კუპრაძესთან და პავლე ქორიძესთან იზრდებოდა. მერი ბებია ბიო–ქიმიკოსი იყო, ხოლო პავლე ბაბუა წყალტუბოს რაიონის მთავარი ექიმი, რაც იმის გარანტიას აძლევდა ახალგაზრდა მშობლებს, რომ შვილი საიმედო ხელში ჰყავდათ დატოვებული. ორიოდ წელში ლევანმაც ყოჩიაშვილების ფუძეზე გადმოინაცვლა და მაყვალა ბებიას და გიორგი პაპას მეურვეობას "დაექვემდებარა".
_ ჩემი მშობლების ორივე ოჯახს დიდი წვლილი მიუძღვით ჩემი და ჩემი ძმების (ლევანი უცროსი ძმა ირაკლიც ჰყავს) აღზრდაში და ჩამოყალიბებაში, რადგან ჩემი მშობლები სულ მუდამ დაკავებული იყვნენ სამსახურებრივად. მეშვიდე კლასამდე სოფელ წითელწყაროს რუსულ სკოლაში ვსწავლობდი, შემდეგ ქ. წითელწყაროს #1 საშუალო სკოლაში გადმოვედი და ეს სკოლა დავამთავრე. ვსწავლობდი საშუალოდ, არც თითით საჩვენებელი ვყოფილვარ და არც ჩამორჩენილი. ძალიან მიყვარდა მხატვრული ლიტერატურის კითხვა, რაც პავლე პაპას დამსახურებაა, ის არა მარტო ცნობილი ექიმი, არამედ ძალიან განათლებული პიროვნება იყო. გვიყვარდა ფილმების ყურება, სამი ძმა ვიყავით და ვიკლებდით სახლ_კარს _ გვიყვება ლევანი თავის ბავშვობას.
_ მსახიობების სურვლი საიდან გაგიჩნდა?
_ როგორც ჩანს, ხელოვანის სული ჩემში მამის გენს უფრო უკავშირდება. ბიძაჩემი, ვალერი ყოჩიაშვილი, რომელიც ვორონეჟში ცხოვრობს, ოპერის თეატრის მთავარი მხატვარია, ხატვა მამაჩემსაც ეხერხება, მისი რამდენიმე საინტერესო ტილო გვაქვს ზეთის საღებავით შესრულებული. რაც შეეხება მსახიობობას, ეს უფრო მაყვალა ბებიას "დამსახურებაა". ის ძალიან არტისტული, პრანჭია ქალი იყო, თუმცა, გიორგი პაპაც არ ჩამოუვარდებოდა. სიმართლე გითხრათ, თავიდან მსახიობობაზე არც მიფიქრია, კინორეჟისორობაზე ვოცნებობდი. კინოსარეჟისორო ფაკულტეტზე ოთხ წელიწადში ერთხელ იყო აბიტურიენტების მიღება. მოხდა ისე, რომ, როცა დავამთავრე, მიღება არ იყო, მაგრამ იმდენად მინდოდა, რომ სხვაგან არც მიცდია ბედი. ერთი წელი მოვემზადე და სამსახიობოზე ჩავაბარე იმ იმედით, რომ შემდგომში გადავიტანდი სარეჟისოროზე, მაგრამ არ მომიხერხდა. მოვხვდი ანზორ ქუთათელაძის ჯგუფში და მერე, ხომ გაგიგონიათ სცენის მტვერის ამბავი… თითქოს ბანალურია, მაგრამ ნამდვილად ასეა. მიუხედავად იმისა, ძალიან რთული წლები იყო, არც დენი, არც გაზი, არც ტრანსპორტი... მაინც საინტერესო იყო ჩვენი ცხოვრება. III კურსიდან წაგვიყვანეს მეტეხის თეატრში და კარგა ხანს დავრჩით. სადიპლომო სპექტაკლიც იქ მქონდა. ეს იყო ენრიკო გარსია ლორკას "სისხლიანი ქორწილი", სადაც მამის როლს ვთამაშობდი. თეატრის სამხატვრო ხელმძღვანელი სანდრო მრევლიშვილი იყო. ან მარსაც პარნეს "მატყუარა" და მე "წეროსანი" ვითამაშე.

ასე დაიწყო ლევან ყოჩიაშვილის თეატრალური ცხოვრება. მერე იყო თეატრი. "გლობუსი" ისევ სანდრო მრევლიშვილის ხელმძღვანელობით. დიდად გამიმართლა თემურ ჩხეიძეს სახელოსნოში რომ მოვხვდიო, ამბობს ლევანი. ოთხი სეზონი "სამეფო უბნის" თეატრში გაატარა. დიდი ქალბატონის მედეა ჩახავას გვერდით უწევდა თამაში, მაგრამ როცა ბატონმა თემურ ჩხეიძემ საქართველოდან წასვლა გადაწყვიტა, ქალბატონმა მედეამაც შეწყვიტა კავშირი ამ თეტრთან, ამან ხიბლი დაუკარგა თეატრს. ალტერნატიული გზის ძებნა იყო საჭირო, ისეთის მატერიალურ მდგომარეობასაც რომ გააუმჯობესებდა. ამიტომ შეაღო ტელევიზიის კარი და დაიწყო გახმოვანების უჩინარი, მაგრამ საინტერესო საქმიანობა, რომელსაც გემო თეატრში მუშობისას I არხზე გაუსინჯა. ეს არის შემოქმედებითი პროცესი, რომელსაც მრავალმხრივი ყურადღება და მობილიზება სჭირდება. შორიდან შეიძლება ადვილი ჩანს, მაგრამ ეს საკმაოდ რთული პროცესია. თუმცა, თუ ერთი ალღო აუღე, ძნელად შეელევი. პირველად დოკუმენტური ფრანგული ფოლმებით დაიწო, მერე მულტფილმები, მერე ლათინური და არგენტილური სერიალები..
_ ლევან, როგორ ეგუები იმ უხამს დიალოგებს, რომლებიც ამ დაბალი დონის სერიალებში არცთუ იშვიათად გვხვდება?
_ ჩემი ცხოვრების წესით და გაზრდილობითაც უფრო აზიატი ვარ, ქართული ტრადიციები და ზნე_ჩვეულებები ჩემთვის სისხლისმიერი ფასეულობებია. ამიტომ, სულაც არ ვეთანხმები და არც მე მომწონს ის, რაც უმრავლესობას არ მოსწონს, მაგრამ ეს სამუშაოა... ისე, ხშირად ყოფილა შემთხვევა, რაიმე ფრაზა ან სიტყვა რომ შემიცვლია, რადგან შინაგან დისკომფორტს და უხერხულობას ვგრძნობ მათი წამოთქმისას.
_ რა აზრის ხარ მხატვრულ ფილმებზე სუბტიტრების შემოღებასთან დაკავშირებით?
_ მიმაჩნია, რომ ფილმის გახმოვანება ასგზის უკეთესია მაყურებლისათვის. ხალხი წვალობს - ტიტრი წაიკითხოს თუ ფილმის მსვლელობას ადევნოს თვალი?! არ მგონია, ამ მეთოდით ვინმემ ინგლისური ენა ისწავლოს. ზოგადად, ამ მეთოდმა ამ კუთხით სამუშაო შეამცირა. დღეს ყველაზე მომებიანი ვიდეორგოლების, რეკლამების გახმოვანებაა.
_კინოში როგორ მოხვედი?
_ კინოში ცოტა გვიან, 2006 წელს გადამიღო რეჟისორმა ლევან თუთბერიძემ. აკა მორჩილაძის პიესის მიხედვით გადაღებულ ფილმში "ქაღალდის ტყვია" უშიშროების ოფიცრის როლს ვთამაშობდი. შემდეგ გიორგი ლოფონავას სერიალში "კლინიკა" გამომცემლობის მთავარი რედაქტორის როლი მერგო, ვითამაშე "ნაფიცი მსაჯულების" სამსერიან ფილმში, მას გახმაურებული კომედია "ჭამა და სექსი" მოჰყვა, რომელმაც გამოსვლისთანავე დიდი აჟიოტაჟი გამოიწვია. საერთოდ, კინოში თამაში უფრო რთულია, რეჟისორმა შეიძლება პირველ რიგში ფილმის დასასრული გადაიღოს. აქ სიუჟეტს არ მიჰყვები, თეატრი კი შემოქმედებითად ერთი მთლიანობაა. ემოციური განწყობა უფრო ადვილია. გულდასაწყვეტია, რომ ტელევიზიამ ჩაყლაპა თეატრი. მართალია, თეატრალური კაფიებიც გაკეთდა, მაინც ის კომფორტული და ამაღლებული შეგრძნება, რაც თეატრს აქვს, შეუცვლელია. ხალხი ნაკლებად დადის თეატრში, არადა, თეატრში წასვლა ერთი ლამაზი რიტუალი იყო ადამიანის ცხვრებში.
_ ახლა "ჩემი ცოლის დაქალებზე" ვისაუბროთ.
_ ო, ეს სერიალი ძალიან მომწონს. ხალისით ვმუშაობ მასზე. ძალიან კარგი პარტნიორები მყავს. ზაფხულში დაიწყო მსახიობთა შერჩევა. მე კასტინგი არ გამივლია, პირდაპირ ამიყვანეს. მუშაობა ჯერჯერობით პარალელურ რეჟიმში მიდის, გვინდა, რამდენიმე სერიით გავუსწროთ. ახლა ყველა არხი დატვირთულია სერიალებით და გასართობი შოუებით. კონკურენციის მომენტი ნამდვილად არის. ჩვენი უპირატესობა ის არის, რომ ეს სერიალი კინოს პრინციპით გადაიღება, აქ არ არის დარბაზი და მისი ემოციები, სადაც თეატრალური მომენტებბი მეტია. ზოგ სტუდიას 300-500 კაციანი დარბაზი აქვს. ტაშითა თუ სიცილით გამოხატული დარბაზის შეფასებები ტელემაყურებელს ხელს უშლის საკუთარი განწყობა შეიქმნას. ჩვენს სერიალში კი მინი კინოს ასოციაციაა, რიტაც მაყურებელი კმაყოფილია. მოვლენები სტუდიის გარეთაც ვითარდება, რაც უფრო სახალისოს ხდის სიუჟეტს. დროც კარგადაა შერჩეული: - შაბათს, საღამოს 10 საათზე.
_ ეს შენი "შვილები" ჯეკო და ტასო სინამდვილეში ვისი შვილები არიან?
_ ისინი სერიოზული კონკურსის პირობებში, ქასთინგის შედეგად შეარჩიეს. ნიჭიერი ბავშვები არიან. მათთან მუშაობა საინტერესოა, ძალიან საყვარლები არიან. ისინი რომელიმე მსახიობის შვილები ან შვილიშვილები არ არიან.
_ ახლა ცოტა შენი პირადი ცხოვრების შესახებაც გვიამბე...
_ ჩემი მეუღლე მარინა ყაჭაშვილიც დედოფლისწყაროელია. ვალიკო ყაჭაშვილისა და რუსუდან ტუხაშვილის უფროსი ქალიშვილია. მის გაზრდაში მისმა ბებიამ, ცნობილმა პედაგოგმა ლილი თაბაგარმა დიდი როლი ითამაშა. ის ინგლისური ენის სპეციალისტია, მაგრამ არ მუშაობს. შვილების აღზრდითაა დაკავებული.

ჩემი ქალიშვილი კესო უკვე 13 წლისაა. პაპის მოსახელე ვასილი ჯერ მხოლოდ 4 წლისაა. ჩვენი მშობლები ძალიან გვიდგანან მხარში, გვეხმარებიან, რისთვისაც მათი მადლობელი ვართ. ჩემი ძირითადი სამსახური ახლა ტელეკომპანია "საქართველოშია", რომელიც ადრე თავდაცვის სამინისტროს არხი იყო, ახლა კი "რუსთავი2"-ს ექვემდებარება. ვთანამშრომლობ სარეკლამო სააგენტოებთანაც. საკმაოდ დატვირთული დღის რეჟიმი მაქვს. სულ ვმოძრაობ. ასეა, ახლა ქართველ ხელოვანთა დიდი ნაწილი მოკრძალებულად ცხოვრობს.

პ.ს. სულ მალე ლევან ყოჩიაშვილს დაბადების 34 წელი უსრულდება, ვულოცავთ და წარმატებებს ვუსურვებთ.

ნაირა გორაშვილი
გაზეთი „შირაქი“

ოპოზიცია მიიჩნევს, რომ გამგეობის სოფლის მეურნეობის სამსახური ნაცნობ–მეგობრობის პრინციპით დაკომპლექტდა

2012-02-07T15:20:00.001+04:00

მოძრაობა "თავისუფალი საქართველოს" დედოფლისწყაროს ორგანიზაციის ხელმძღვანელის მტკიცებით , "დედოფლისწყაროს მუნიციპალიტეტში კუდ-ის თანამშრომლების ნეპოტიზმი გრძელდება". გურაშვილის ინფორმაციით, "დედოფლისწყაროს რაიონში ყველა სფეროს კონსტიტუციური უსაფრთხოების დეპარტამენტის ადგილობრივი თანამშრომლები მართავენ". პოლიტიკურ მოძრაობას არგუმენტად გამგეობის ახალი სამსახურის პირადი ინტერესებით დაკომპლექტება მოჰყავს. ისინი ირწმუნებიან, რომ დედოფლისწყაროს გამგეობაში სოფლის მეურნეობის განვითარების სამსახური შეიქმნა, რომელიც აქამდე რაიონში არ არსებობდა.

,,23 იანვრიდან ამ სამსახურის უფროსად კუდ-ის კონსულტაციების შემდეგ ილია ნატროშვილის სიძე ილია კვანჭილაშვილი დაინიშნა, რომლის მამა რაიონში ერთ-ერთი მსხვილი ფერმერია და მიწის საკმაოდ სოლიდურ ნაწილს ფლობს. ამავე სამსახურის მთავარ სპეციალისტად კი ილია ნატროშვილის ნათესავი რევაზ ნატროშვილი დაინიშნა.

აღსანიშნავია ის ფაქტი, რომ ილია კვანჭილაშვილი 2003-2006 წლებში გარემოს დაცვისა და ბუნებრივი რესურსების კახეთის რეგიონულ სამმართველოში მუშაობდა. ზუსტად ამ პერიოდში მუნიციპალიტეტში ათასობით ჰექტარი ტყის მასივი უმოწყალოდ აიჩეხა და გაიყიდა. ამის შედეგად კი დედოფლისწყარო გაუდაბნოების პირას მივიდა. უნდა ითქვას, რომ ამ ადამიანმა ჩვენი რაიონის გაუდაბნოების პროცესს ხელი შეუწყო და დარწმუნებული ვართ, რომ იგი მთავრობის კურსს - "ააყვავონ" სოფლის მეურნეობა წარმატებულად გააგრძელებს... გარდა იმისა, რომ ადგილობრივი ხელისუფლების წარმომადგენლები თავიანთ ახლობლებს ასაქმებენ, წინასაარჩევნოდაც ზრუნავენ, რომ მათმა კადრებმა ამომრჩევლებზე აქტიურად იმუშაონ. ამ მუშაობაში, რა თქმა უნდა, მათთვის ჩვეული დაშინება, მუქარა და თუ საჭირო გახდა, ცემა-ტყეპა იგულისხმება, რითაც დედოფლისწყაროში კუდ-ის ორივე ადგილობრივი თანამშრომელი გამოირჩევა", - განაცხადა თამილა გურაშვილმა და "კუდ-ის თანამშრომლების ნეპოტიზმი პარტიის სახელით კიდევ ერთხელ გააპროტესტა". /ქიზიყი/

გოგა ხაჩიძე კარიერების უპრეცედენტო პროექტების ფარგლებში შეხვედრებს განაგრძობს

2012-02-07T13:48:00.000+04:00

გარემოს დაცვის მინისტრი გოგა ხაჩიძე კასპის რაიონის სოფელ კავთისხევს ეწვია, სადაც ადგილობრივ მოსახლეობასა და ბიომრავალფეროვნების პროექტში მონაწილეობის მსურველებს შეხვდა.

"ქიზიყი" უკვე იუწყებოდა, რომ საერთაშორისო საგანმანათლებლო გარემოსდაცვითი კონკურსი „ბიომრავალფეროვნების ხელშეწყობა კარიერებზე” (Quarry Life Award) „ჰაიდელბერგცემენტის” მიერ გარემოს დაცვის სამინისტროს მხარდაჭერით ხორციელდება. პროექტში მონაწილეობას იღებს 3 კარიერი: კავთისხევის კირქვის, გარდაბნის თიხის და დედოფლისწყაროს კირქვის კარიერი. დაინტერესებულ პირებს შესაძლებლობა აქვთ საპროექტო წინდადადებები წარმოადგინონ 17 თებერვლამდე.

შეხვედრის მონაწილეებს მინისტრმა გააცნო კონკურსის შესახებ ინფორმაცია და პროექტის პრიორიტეტები.
„მოხარული ვარ, რომ ამდენი ახალგაზრდა ღებულობს მონაწილეობას კონკურსში. დიდი სიამოვნებით ვუერთდები ამ ინიციატივას, ეს არის ახალი სტანდარტი, თუ რა უნდა გააკეთოს თანამედროვე დიდმა წარმოებამ იმისთვის, რომ გარემოზე მიყენებული ზიანის რეგენერაცია მოხდეს”-განაცხადა გოგა ხაჩიძემ.

2012 წლის დეკემბერში კომპეტენტური ჟიურის მიერ ეროვნულ და გლობალურ დონეზე გამარჯვებულები გამოვლინდებიან და დაჯილდოვდებიან 1500-დან 30 000 ევრომდე საპრიზო თანხით.
ღონისძიებაში მონაწილეობას მიიღებენ გარემოს დაცვის სფეროში მომუშავე არასამთავრობო ორგანიზაციები და სამეცნიერო წრის წარმომდაგენლები. /ქიზიყი/

„შირაქის“ მოცეკვავეებმა „ნიჭიერის“ შემდეგი ეტაპიც წარმატებით გადალახეს

2012-02-06T22:44:00.003+04:00

EXCLUSIVE - დედოფლისწყაროს ქორეოგრაფიულ ანსამბლ „შირაქის“ მოცეკვავეებმა პროექტ „ნიჭიერის“ მორიგი ტური კვლავაც წარმატებით გადალახეს. გადაღებები 5 თებერვალს შოთა რუსთაველის სახელობის სახელმწიფო აკადემიური თეატრის დარბაზში გაიმართა. მოცეკვავეები ფართო აუდოტორიის წინაშე დედოფლისწყაროს სახელით გამოვიდნენ.

მათ ჟიურის წინაშე 2,5 წუთი ხანგრძლივობის ნომერი შეასრულეს. სცენაზე გატანილი იყო ცეკვა „მთიულური“, რომელიც 25-მა ბავშვმა შეასრულა.

ანსამბლს ტრანსპორტირებაში დედოფლისწყაროს მუნიციპალიტეტის ხელმძღვანელობა დაეხმარა. ჟიურის რეაქციებსა და შეფასებებზე „ქიზიყი“ ანსამბლის წევრებს ესაუბრა:

„დილის ათი საათიდან სხვადასხვა სახის სარეკლამო გადაღებებზე ვიყავით, ყველა მონაწილეს ცალკ-ცალკე იგებდნენ. ეს ტური წარმატებით დავძლიეთ და საბოლოო ჯამში ჯიურის სამივე წევრის „კი“ მივიღეთ. გეგას და სოფოს დადებითი კომენტარის შემდეგ ბოლო და გადამწყვეტი სიტყვა ვანო ჯავახიშვილმა თქვა და დაამატა – „ამ ჟანრში ძალიან ბევრი მოღვაწეობს, მაგრამ თქვენ შეძელით, განსაკუთრებულები ყოფილიყავით. ოთხი კი გაქვთ დარბაზის ჩათვლით, რადგან მთელი დარბაზი ფეხზე დგასო“. სოფო ნიჟარაძემ აღნიშნა – „ძალიან მოკლე დროში შეძელით შესაძლებლობების საუკეთესოდ წარმოჩენაო“... იყო სიხარულის ყიჟინაც და ინტერვიუები. როგორც გვითხრეს, ეს პროექტი ეთერში მარტში გავა,“ – აღნიშნავს ანსამბლ „შირაქის“ ხელმძღვანელი ალექსი გაბრიელაშვილი.

„ქიზიყის“ ინფორმაციით, პატარა მოცეკვავეები მომავალ ტურში ახალ ნომერს წარმოადგენენ და შემდეგ კი იმ ტურიდან ჟიური ფინალისტებს შეარჩევს. ანსამბლის ხელმძღვანელს მომდევნო ნომერი ამ ეტაპზე შერჩეული არ აქვს. ანსამბლში ვარაუდობენ, რომ სამომავლოდ ფარიკაობას მოამზადებენ, ოღონდ განსხვავებულად დადგმულს.

ანსამბლ „შირაქის“ „ნიჭიერში“ წარმატებულად მონაწილეობის შესახებ ინფორმაცია თავდაპირველად ინტერნეტგაზეთმა „ქიზიყმა“ ექსკლუზიურად გაავრცელა. ქართულ ტელესივრცეში „ნიჭიერი“ ერთერთ ყველაზე პოპულარულ და სახალხო პროექტად რჩება. /ქიზიყი/ ილია მარტყოფლიშვილი

ფიროსმანის სახლ–მუზეუმების მმართველის ვაკანსიაზე გამოცხადებული კონკურსის შედეგები ცნობილია

2012-02-06T12:29:00.006+04:00

EXCLUSIVE - თბილისსა და დედოფლისწყაროში, ფიროსმანის სახლ–მუზეუმების მმართველის ვაკანსიაზე გამოცხადებული კონკურსის შედეგები უკვე ცნობილია. კულტურული მემკვიდრეობის დაცვის ეროვნული სააგენტოს დირექტორის ნიკოლოზ ვაჩეიშვილის ბრძანების მიხედვით, მიმდინარე წლის 1 თებერვლიდან ნიკო ფიროსმანის სახლ–მუზეუმების მმართველად თბილისსა და მირზაანში ნელი გობეჯიშვილი დაინიშნა.

ის დედოფლისწყაროს გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის სპეციალისტი გახლდათ. გობეჯიშვილი ათეულობით წელია დედოფლისწყაროში კულტურის სფეროში წამყვან თანამდებობებს იკავებდა. მისი თქმით, ფიროსმანის მუზეუმი შველას ითხოვს, კონკურსში საკუთარი ძალების მოსინჯვა ამიტომაც გადაწყვიტა.

„2011 წლის განმავლობაში მუზეუმში მხოლოდ 80 ვიზიტორის ბილეთი გაიყიდა, ეს კი კატასტროფულად დაბალი მაჩვენებელია. ჩემთვის ეს მუზეუმი მშობლიურია. მისი გახსნის დღიდან ყველაფერში აქტიურად ვიყავი ჩართული. მხოლოდ ბოლო ორ ღონისძიებაზე მივედი სტუმრის სტატუსში, დანარჩენ შემთხვევებში მთლიანად ვიყავი ჩართული. ფიროსმანობის დღესასწაულის სახელწოდებაც ჩემი შერჩეულია. დედოფლისწყაროში, რამდენიმე წლის წინ ფიროსმანის სახელობის სამხატვრო სკოლაც ჩემივე ძალისხმევით გაიხსნა. ვფიქრობ, კონკრეტული შედეგები მალე გამოჩნდება. მუზეუმი ცოცხალი ორგანიზმი უნდა იყოს და სოფელში გამოირჩეოდეს. ფიროსმანის მუზეუმმა მთლიანად სოფელი უნდა გამოაცოცხლოს. სამწუხაროდ ამჟამად ასე არ არის. დარწმუნებული ვარ, რომ მისი გამოცოცხლება სოფელში მიგრაციასაც მნიშვნელოვნად შეაჩერებს, რაც ჩემთვის ყველაზე მტკივნეული საკითხია. გარკვეული პროექტები უკვე არსებობს და ამინდის გაუმჯობესებისთანავე მუშაობა აქტიურად დაიწყება,“ – აცხადებს ნელი გობეჯიშვილი.

მმართველის ვაკანსიაზე გამოცხადებულ კონკურსში მონაწილეობას იღებდა ასევე მუზეუმის ყოფილი ხელმძღვანელი, ფიროსმანის მკვლევარი ანზორ მაძღარაშვილი. „ქიზიყის“ ინფორმაციით, საკონკურსო კომისიის გადაწყვეტილებით, ანზორ მაძღარაშვილი მუზეუმის შემადგენლობაში აღარ ირიცხება, თუმცა ის მუშობას კულტურული მემკვიდრეობის დაცვის ეროვნული სააგენტოში ფიროსმანის შემოქმედების მკვლევარის პოზიციაზე გააგრძელებს.

„შედეგით კმაყოფილი რანაირად უნდა ვიყო, ეს ყველაფერი ჩემზე არ იყო დამოკიდებული, როგორც გადაწყვიტეს ისე მოხდა. ჯერჯერობით სააგენტოში ვრჩები. თუმცა, სამსახურს ვეძებ და თუ რაიმე სამსახური ვიშოვე, ალბათ, სააგენტოდან წავალ...,“ – აცხადებს მაძღარაშვილი.

ერთ–ერთი ვერსიით, ანზორ მაძღარაშვილის ფიგურა ხელისუფლებისათვის კრიტიკული კომენტარების გამო მიუღებელი გახდა და მოვლენების ამგვარი განვითარება სწორედ მის კრიტიკულ განცხადებებს უკავშირდება. /ქიზიყი/ ილია მარტყოფლიშვილი

გამოხმაურება: გაზეთი ახალი თაობა ; რადიო ჰერეთი ; ჯეონიუსი ; მედიანიუსი ; ნიუსლაინი ; ICK.ge ;

დედოფლისწყაროში 2011 წლის ნომინანტები გამოვლინდა

2012-02-04T21:33:00.000+04:00

საქართველოს საქველმოქმედო ფონდი „ამაგდარი“–სა და გაზეთ „საქართველოს ლირიკის“ სარედაქციო საბჭოს ინიციატივით ახლახან დედოფლისწყაროს მოსახლეობა გამოიკითხა, რის შედეგადაც სხვადასხვა ნომინაციებში დედოფლისწყაროს მუნიციპალიტეტის ცნობილი ადამიანები გამოვლინდნენ.

მსგავსი შინაარსის გამოკითხვა დედოფლისწყაროში უკვე მერამდენე წელია ტარდება და სხვადასხვა ნომინაციებში მუნიციპალიტეტის ინტელიგენციის წარმომადგენლები ჯილდოვდებიან. ნომინაციები ყოველწლიურად სხვადასხვა სფეროში მოღვაწე ადამიანებზე ნაწილდება. გამოკითხვაში გამარჯვებულებს სპეციალური სიგელები უკვე გადაეცათ, რომელსაც ხელს აწერს საქველმოქმედო ფონდ "ამაგდარის" თავმჯდომარე ვახტანგ ქიზიყურაშვილი.

გამარჯვებული დედოფლისწყაროელი ნომინანტების სია თბილისში გამომავალ გაზეთ „საქართველოს რესპუბლიკის“ 31 ოქტომბრის ნომერში დაიბეჭდა. როგორც ორგანიზატორებმა "ქიზიყს" აცნობეს, გამარჯვებულთა შორის ასევე დასახელდა დედოფლისწყაროში გამომავალ ინტერნეტ–გაზეთ "ქიზიყის" მთავარი რედაქტორი ილია მარტყოფლიშვილი ნომინაციაში "წლის აღმოჩენა", ხოლო გაზეთი "შირაქი" და მისი ახლადდანიშნული დირექტორი ინგა შიოლაშვილი წლის წარმატებულ შპს–დ დასახელდა.

2011 წლის ნომინაციები დედოფლისწყაროში ასე გადანაწილდა.

ნომინაცია „ხალხის სიმპათია“

მარინა ხარაშვილი – პედიატრი;
ლელა ყოჩიაშვილი – ფიზიკოსი;
ნანა ტოკლიკიშვილი – ბანკირი;
ბეჟან გონაშვილი – ფერმერი;
ივერი ჭუჭულაშვილი – ფერმერი;
ზაურ წიკლაური – არენდატორი;
შალვა ყველაიძე – არენდატორი;

ნომინაცია „წლის აღმოჩენა“

ილია ტალიაშვილი – შპს „სერვისი 2007“–ის დირექტორი;
ილია მარტყოფლიშვილი – ჟურნალისტი;
ნიკოლოზ (ბაჩო) კობაიძე – მეანგინეკოლოგი;
თამარ მამუკელაშვილი – საერთაშორისო სამართლის სპეციალისტი;
თამუნა ფიროსმანაშვილი – პირველი არხის ჟურნალისტი;

ყველაზე პრესტიჟულ ნომინაციაში „მეტრი“ დასახელდნენ

ნიკოლოზ შანშიაშვილი – ფინანსისტი;
აბრამ ხარაშვილი – იურისტი;
სპარტაკ ლაპიაშვილი – მძღოლი;
ვახუშტი ქიზიყურაშვილი – მეღვინე–ტექნოლოგი;
ჯუმბერ უთრუთაშვილი – პოეტი;

წლის წარმატებული ინდმეწარმე და შპს

ინგა შიოლაშვილი – შპს გაზეთი „შირაქი“ დირექტორი;
ილია ტალიაშვილი – შპს „სერვისი 2007“ დირექტორი;
ციცო ლათიბაშვილი – შპს „სალბუნი–ფარმა“–ს დირექტორი;
გია ნატროშვილი – შპს „გვანცას“ დირექტორი.

როგორც "ქიზიყს" გამოკითხვის ორგანიზატორებმა აცნობეს, გამარჯვებულ ნომინანტთა საპატივსაცემოდ თბილისის კონსერვატორიის მცირე დარბაზში სპეციალური საკონცერტო საღამო მოეწყო, სადაც ნომინანტები იყვნენ მიწვეულნი. ორგანიზატორების განცხადებით, სულ მალე ნომინანტებისადმი მიძღვნილი შეხვედრა დედოფლისწყაროშიც გაიმართება.

ინტერნეტ–გაზეთი "ქიზიყი" დედოფლისწყაროს მუნიციპალიტეტში ერთადერთი დამოუკიდებელი გამოცემაა, რომელიც 2009 წლის 10 მაისიდან მოქმედებს და ინფორმაციას ყოველდღიურ რეჟიმში ოპერატიულად ავრცელებს. "ქიზიყის" რეიტინგი და დამთვალიერებელთა რიცხვი დაარსების დღიდან სტაბილურად იზრდება, თუმცა, ბოლო 3 თვის მანძილზე "ქიზიყის" პორტალის ვიზიტორთა ოდენობამ მოსალოდნელზე მეტად იმატა.

ამ ხნის მანძილზე "ქიზიყის" სახელს არაერთი ექსკლუზიური და სკანდალური სტატიის გავრცელება უკავშირდება. მათ შორის, ჩვენი პორტალი ცენტრალური ტელეკომპანიების, რადიომაუწყებლებისა თუ თბილისში გამომავალი გაზეთებისთვის დედოფლისწყაროს რაიონში მიმდინარე მოვლენების თაობაზე ინფორმაციის მიღების საუკეთესო საშუალებად იქცა. "ქიზიყზე" დაყრდნობით მომზადებული მასალები წამყვანი ქართული მედიასაშუალებების ეთერით ინტენსიურად გადაიცემა და მსხვილ ქართულ გაზეთებსა თუ საინფორმაციო სააგენტოებში თითქმის ყოველდღიურად იბეჭდება.

უკვე მეექვსე თვეა დედოფლისწყაროში გამომავალი ბეჭდვური გაზეთი "შირაქი" განსხვავებული ფორმატით გამოიცემა. გაზრდილია გვერდების ოდენობა, ხარისხი და პერიოდულობა. რეორგანიზაციის შემდეგ გაზეთ "შირაქის" დირექტორად ინგა შიოლაშვილი დაინიშნა. მოსახლეობის დიდი ნაწილი მიიჩნევს, რომ ბოლო დროს გაზეთი გაცილებით საინტერესო და მრავალფეროვანი გახდა. /ქიზიყი/

სოფელ არბოშიკში ძლიერი ყინვების შედეგად 72 წლის მარტოხელა მამაკაცი გარდაიცვალა

2012-02-02T17:49:00.000+04:00

EXCLUSIVE - უამინდობას მსხვერპლი მოჰყვა დედოფლისწყაროში. სოფელ არბოშიკში მცხოვრები მარტოხელა ცეზარ პოპიაშვილი ძლიერი ყინვების შედეგად გარდაიცვალა. როგორც სოფელში აცხადებენ, 72 წლის მამაკაცი მეზობლებმა გარდაცვლილი 2 თებერვალს საკუთარ სახლში ნახეს.

,,შეშა არ ჰქონდა, თუმცა დამოუკიდებლად ვერც ღუმელის დანთებას ახერხებდა. როცა აღარსად გამოჩნდა, მოვიკითხეთ და საწოლის ქვეშ გარდაცვლილი ეგდო. სასიკვდილო არაფერი სჭირდა, ვფიქრობთ, სიცივით უნდა გარდაცვლილიყო... რადგან გარდაცვლილი უპატრონოა, მისი დაკრძალვის ხარჯებთან დაკავშირებით დახმარების სათხოვნელად სოფელ არბოშიკის რწმუნებულთან დაკავშირებას არაერთხელ ვეცადეთ, თუმცა, რობიზონ დათუკიშვილს ტელეფონი არა აქვს და ამ დრომდე ვერ ვუკავშირდებით. ამბობენ, რომ სოფელ გამარჯვებასთან რწმუნებული ჩხუბში მოხვდა და შეხლა-შემოხლის დროს მობილური იქ დაუკარგავს," - აცხადებენ გარდაცვლილის მეზობლები.

"ქიზიყის" ექსკლუზიური ინფორმაციით, დედოფლისწყაროს მუნიციპალიტეტის გამგეობამ, ადგილობრივ ბიუჯეტში გათვალისწინებული "უპატრონო მიცვალებულების დაკრძალვის ხარჯებიდან" ცეზარ პოპიაშვილის დასაკრძალად 200 ლარი უკვე გამოყო. /ქიზიყი/

დედოფლისწყაროში სოციალურად დაუცველებს კომპიუტერსა და ინგლისურს უფასოდ შეასწავლიან

2012-02-01T22:19:00.007+04:00

დედოფლისწყაროში მცხოვრებ სიღატაკის ზღვარს ქვემოთ მყოფი ოჯახების წევრებს საშუალება ექნებათ კომპიუტერისა და ინგლისური ენის შემსწავლელ კურსებზე უსასყიდლოდ იარონ.
დედოფლისწყაროს მოსწავლე–ახალგაზრდობის შენობის ოფისში 1 თებერვალს არასამთავრობო ორგანიზაცია ”ახალი თაობა – ახალი იდეა”-ს წარმომადგენლებმა მოსახლეობას პროექტის არსი და მიზნები დაწვრილებით განუმარტეს.

როგორც ორგანიზაცია „ახალი თაობა – ახალი იდეა“-ს ხელმძღვანელმა გიორგი პოპიაშვილმა „ქიზიყს“ განუცხადა, პროექტი სოციალურად დაუცველი მოქალაქეებისთვის არის განკუთვნილი და ის 5 000 ლარით დაფინანსდა.

პროექტის ხელმძღვანელმა თამარ ბაღაშვილმა „ქიზიყს“ განუმარტა, რომ პროექტი, რომელსაც „ბავშვთა და ახალგაზრდობის განვითარების ფონდი“ და დედოფლისწყაროს მუნიციპალიტეტის სკოლამდელი და სკოლისგარეშე სააღმზრდელო ცენტრი ერთობლივად ახორციელებს, სოციალურად დაუცველი ოჯახის 17– იდან 35 წლამდე წევრებს აძლევს საშუალებას, უფასოდ შეისწავლონ საოფისე პროგრამები, ინტერნეტი და ინგლისური ენა. მისი თქმით, პროექტი იმ ოჯახებისთვისაა განკუთვნილი, რომლებიც სოციალური მომსახურების სააგენტოს ბაზაში არიან რეგისტრირებულნი და მათი სარეიტინგო ქულა 150 000-სს არ აღემატება.
„ახალგაზრდების დაინტერესება საკმაოდ დიდია. სკოლამდელი და სკოლისგარეშე სააღმზრდელო ცენტრის მოსწავლე-ახალგაზრდობის სახლი, სადაც განხორციელდება აღნიშნული პროექტი, ახალი თანამედროვე ტექნიკით აღიჭურვა. უკვე დაკომპლექტებულია პედაგოგიური კადრებიც, რაც დაინტერესებულ ახალგაზრდებს საშუალებას მისცემს დაეუფლონ მათთვის სასურველ ცოდნას. მეცადინეობა 10:00–დან 18:00 საათამდე გაგრძელდება. ამ დროისთვის 47 განაცხადია შემოსული და პროცესი კიდევ გრძელდება. იმდენად ბევრი მსურველი აღმოჩნდა, რომ საჭიროდ ჩავთვალეთ დამატებითი შეხვედრა მოგვეწყო. ყველა მათგანს შევხვდით, ჯგუფები მათთვის სასურველი დროის მიხედვით დაკომპლექტდა. ანალოგიური პროექტი ჩვენ 10 წლის წინაც განვახორციელეთ, თუმცა იმის გამო რომ ტექნიკა მოძველებული იყო, განახლების საჭიროება იდგა და სასიხარულოა, რომ ამ პროექტის ფარგლებში ეს მოხერხდა,“ – განუცხადა „ქიზიყს“ პროექტის ხელმძღვანელმა თამარ ბაღაშვილმა.

პრეზენტაციას ესწრებოდნენ დედოფლისწყაროს მუნიციპალიტეტის საკრებულოს თავმჯდომარე ლევან ბაღაშვილი, მისი მოადგილე ზაზა ფიროსმანაშვილი, მუნიციპალიტეტის გამგებლის მოადგილე და სხვადასხვა სამსახურების უფროსები. მათ პროექტის ხელმძღვანელობას და სასწავლო ჯგუფების პირველ ნაკადს მიულოცეს სასწავლო პროცესის დაწყება და თანადგომას და ურთიერთთანამშრომლობას დაჰპირდნენ.

როგორც იდეის ავტორები აცხადებენ, პროექტი მიმდინარე წლის ნოემბერში უნდა დასრულდეს. ის ათი თვის მანძილზე გაგრძელდება და სოციალურად დაუცველებით დაკომპლექტებული თითეული ჯგუფი სამთვიან კურსს გაივლის. /ქიზიყი/ ილია მარტყოფლიშვილი

გურჯაანში მკვლელობის მცდელობისთვის ჟურნალისტის დაკავება ივანიშვილის მოძრაობას უკავშირდება?!

2012-02-01T16:19:00.003+04:00

კახეთის საოლქო პროკურატურამ განზრახ მკვლელობის მცდელობის ბრალდებით ჟურნალისტი სოფო ნიკოლაშვილი დააკავა. პროკურატურა სოფო ნიკოლაშვილს პოლიციის თანამშრომლის, 21 წლის გიორგი სიბაშვილის მკვლელობის მცდელობაში ადანაშაულებს.

კახეთის საოლქო პროკურორის გიორგი ჩივიაშვილის განცხადებით, საქმე აღძრულია სისხლის სამართლის კოდექსის 19/108 მუხლით. სოფო ნიკოლაშვილი თელავის წინასწარი დაკავების იზოლატორშია მოთავსებული.
ინციდენტი ქალაქ გურჯაანში 31 იანვარს, საღამოს მოხდა.

სამართალდამცავების ცნობით, სოფო ნიკოლაშვილი შეეცადა გიორგი სიბაშვილისთვის მამამისის კუთვნილი ცეცხლსასროლი იარაღიდან ესროლა, თუმცა სიბაშვილმა მას იარაღი წაართვა. პოლიციაში აცხადებენ, რომ სოფო ნიკოლაშვილს გიორგი სიბაშვილი უყვარდა.
სიბაშვილი ამჟამად შს კახეთის სამხარეო მთავარი სამმართველოს თანამშრომელია. მამამისი გოჩა სიბაშვილი გურჯაანის პოლიციის უფროსის მოადგილეა.

კახეთის საინფორმაციო ცენტრი სოფო ნიკოლაშვილის მამას დავით ნიკოლაშვილსაც დაუკავშირდა. მისი თქმით, მომხდარის დეტალები მისთვის ჯერ უცნობია. დათო ნიკოლაშვილი საზოგადოებრივი მოძრაობა „ქართული ოცნების“ საინიციატივო ჯგუფის ხელმძღვანელია გურჯაანში.
ნიკოლაშვილი ბოლოს, 2011 წლის აგვისტომდე კახეთის რეგიონულ გაზეთ "კახეთის ხმაში" მუშაობდა. "კახეთის ხმის" ხელმძღვანელს მაია მამულაშვილის განცხადებით, მომხდარის გამო რედაქცია შოკირებულია:
„სოფიკომ თავის სოციალურ გვერდზე მიმდინარე წლის 10 იანვარს წელს დაწერა: ეს ყველაფერი - happy and- ით არ დასრულდება. 2008 წლიდან 2011 წლის აგვისტომდე ჩვენთან მუშაობდა. რის შემდეგაც სასწავლებლად თბილისში გადავიდა. რედაქციის თანამშრომლები მას ძალზე დადებითად ახასიათებენ. მუშაობდა. ყოველთვის გამოირჩეოდა კარგი ჟურნალისტური უნარებით სოფოს გამო შოკირებული ვართ,“ – აცხადებს მაია მამულაშვილი.
დანაშაულის დამტკიცების შემთხვევაში სოფო ნიკოლაშვილს 7-დან 15 წლამდე პატიმრობა ემუქრება. დაკავებული ჟურნალისტი ადვოკატის გარეშე დაკითხეს. /ქიზიყი/

დედოფლისწყაროს მთავარ ვეტერინარად მიხეილ ქევხიშვილი დანიშნეს

2012-02-01T12:46:00.000+04:00

სურსათის უვნებლობის, ვეტერინარიისა და მცენარეთა დაცვის ეროვნული სააგენტოს დედოფლისწყაროს სამმართველოს უფროსის ვაკანტურ ადგილზე მიხეილ ქევხიშვილი დაინიშნა. „ქიზიყის“ ინფორმაციით, ქევხიშვილი მანამდე სოფელ ზემო მაჩხაანის ტერიტორიული ორგანოს სპეციალისტად მუშაობდა.

დედოფლისწყაროს მთავარი ვეტერინარი დავით ვეშაგურიძე სამსახურიდან რამდენიმე თვის წინ სკანდალურად გაათავისუფლეს. გავრცელებული ინფორმაციის თანახმად, ვეშაგურიძის სამსახურიდან გაშვების მიზეზი რაიონში სხვადასხვა დაავადებების მასობრივად გავრცელება გახდა. მან გათავისუფლების თაობაზე ინფორმაცია „ქიზიყს“ დაუდასტურა: „ჭორი რატომ იქნება, უკვე სამსახურში აღარ დავდივარ," - განაცხადა ვეშგურიძემ.

ბოლო პერიოდში დედოფლისწყაროს სოფლებში საქონელი დაიხოცა. ინფექციურ საავადმყოფოში ჯილეხით დაავადებული რამდენიმე ადამიანი მოათავსეს, 42 წლის ქალი კი ბრუცელოზით გარდაიცვალა.

როგორც სურსათის ეროვნული სააგენტოს საზოგადოებასთან ურთიერთობის სამსახურის უფროსმა ვერიკო გულუამ განაცხადა, ვეშაგურიძეს შრომითი ხელშეკრულების ვადა გაუვიდა.
„იანვრიდან ჩვენი სამსახური საჯარო სამართლის იურიდიულ პირად გადაკეთდა. ამიტომ თანამშრომლებთან მოკლევადიან ხელშეკრულებებს ვაფორმებთ. დავით ვეშაგურიძესაც ხელშეკრულების ვადა ამოეწურა“, - აღნიშნა გულუამ.

შეგახსენებთ, ვეშაგურიძე საპარლამენტო უმრავლესობის ლიდერის პეტრე ცისკარიშვილის კადრი იყო. სწორედ მისი რეკომენდაციით ის სამუშაოდ ახმეტიდან დედოფლისწყაროში გადავიდა. ის დედოფლისწყაროს სამმართველოს სამი წლის მანძილზე ხელმძღვანელობდა. /ქიზიყი/

დედოფლისწყაროში 113 ინსულინდამოკიდებული პაციენტია რეგისტრირებული

2012-01-31T22:59:00.003+04:00

დედოფლისწყაროს მუნიციპალიტეტის ტერიტორიაზე დიაბეტით დაავადებულ მოქალაქეთაგან ოფიციალურად 113 ინსულინდამოკიდებული პაციენტია რეგისტრირებული. ამის შესახებ „ქიზიყს“ დედოფლისწყაროს ცენტრალურ აფთიაქში განუცხადეს.

ინსულინდამოკიდებული პაციენტები კვარტალში ერთხელ „მოსახლეობის სპეციფიკური მედიკამენტებით უზრუნველყოფის“ სახელმწიფო პროგრამის ფარგლებში საჭირო ოდენობის ინსულინს უსასყიდლოდ ღებულობენ. თუმცა, როგორც პაციენტებმა „ქიზიყს“ განუცხადეს, გამკაცრებული კონტროლის გამო უამრავი ბარიერია შექმნილი რაც მათი ინსულინით დროულად მომარაგებას აფერხებს.

დიაბეტით დაავადებული პაციენტები აღნიშნავენ, რომ მედიკამენტების მისაღებად სპეციფიკური მედიკამენტის ვაუჩერის აღების აუცილებლობა დგას, ის კი მხოლოდ თელავში გაიცემა. მოქალაქეთა აღშფოთებას ის ფაქტიც იწვევს, რომ ვაუჩერის და სხვადასხვა დოკუმენტების განახლება ხშირად უწევთ, ეს კი წამდაუწუმ თელავში სიარულის აუცილებლობას წარმოშობს.

„ამდენი ბარიერი როგორ შეიძლება. დროის გარდა თელავში სიარული ფინანსურ ხარჯებთანაც არის დაკავშირებული. ბევრი ვიცი, რომ წასვლას ვერ ახერხებს და ინსულინის სასესხებლად დადიან–ხოლმე. ხან წასვლას ვერ ვახერხებთ, ხან სახელმწიფოს მიერ გამოწერილი დოზა არ გვყოფნის და ნაცნობებში დავდივართ, რომ ინსულინი ვიშოვოთ. მისასალმებელია ის ფაქტი, რომ საკითხი მკაცრად კონტროლირდება, მაგრამ ეს პაციენტების ხარჯზე არ უნდა ხდებოდეს და ეს ბარიერები დაბრკოლების საბაბი არ უნდა ხდებოდეს,“ – აცხადებს დედოფლისწყაროში მცხოვრები პაციენტი, ელზა ჩერქეზიშვილი.

როგორც ექიმი ენდოკრინოლოგები განმარტავენ, წლების განმავლობაში, ვინაიდან დიაბეტი პროგრესირებადი დაავადებაა, მიზნის მისაღწევად, ანუ გლიკოჰემოგლობინის 7%-ზე ქვემოთ შესანარჩუ¬ნებ¬ლად, საჭირო ხდება მკურნალობის სტრატეგიის შეცვლა.

ინსულინდამოკიდებულთა, ანუ ე.წ. II–ე ტიპის დიაბეტის ყველაზე მასშტაბური კვლევა — UKPDS — ჩატარდა ინგლისში. მასში მონაწილეობდა დაახლოებით 3 900 ახლად-დიაგნოსტირებული პაციენტი. მათი კვლევაში ჩართვა ხდებოდა 1977-1991 წლებში და დაკვირვება გაგრძელდა საშუალოდ 10 წელი. კვლევის შედეგები გამოქვეყნდა 1998 წელს (UKPDS ). ამ კვლევამ ნათლად აჩვენა, რომ გლიკოჰემოგლობინის თითოეული პროცენტით შემცირებას თან ახლდა დიაბეტის ნებისმიერი გართულების 21%-ით შემცირება, დიაბეტით გამოწვეული სიკვდილიანობის 21%-ით შემცირება, მიოკარდიუმის ინფარქტის 14%-ით შემცირება და მიკროვასკულური (რეტინოპათია, ნეფროპათია) რისკის 37%-ით შემცირება. დიაბეტოლოგიაში ჩატარებულმა სხვა კლინიკურმა კვლევებმაც მსგავსი შედეგები აჩვენა, მეტნაკლები ვარიაბელობით. /ქიზიყი/

ანსამბლი „შირაქი“ პროექტ „ნიჭიერის“ მეორე ტურში გადავიდა

2012-01-30T22:47:00.005+04:00

EXCLUSIVE - დედოფლისწყაროში მოქმედი წარმატებული ქორეოგრაფიული ანსამბლი "შირაქი" სამაუწყებლო კომპანია "რუსთავი 2"-ის პოპულარულ ტელე-შოუ ნიჭიერის მეორე ტურში გადავიდა. ამის შესახებ ნეტგაზეთ "ქიზიყს" ანსამბლის ხელმძღვანელმა ალექსანდრე გაბრიელაშვილმა აცნობა. მისი თქმით, დედოფლისწყაროელი მოცეკვავეები ჟიურის წინაშე წარსადგენად უკვე ემზადებიან.

ცნობილია, ისიც რომ პოპულარულ პროექტში მონაწილეობას ანსამბლ „შირაქის“ მხოლოდ პატარა წევრები მიიღებენ.

„რამდენიმე თვის წინ "ნიჭიერის" შესარჩევი ტური დედოფლისწყაროში ჩატარდა, სადაც ჩვენც მივიღეთ მონაწილეობა. სულ ახლახან დაგვირეკეს და გვაცნობეს, რომ გადასულები ვართ მეორე ტურში. მზადებას უკვე შევუდექით. როგორც პროექტის პროდიუსერებმა გვაცნობეს, გადაღებები თებერვლის პირველ რიცხვებში იქნება. საკუთარი შესაძლებლობების წარმოსაჩენად მხოლოდ 2,5 წუთი მოგვცეს და მაქსიმალურად ვცდილობთ, კარგი რეპერტუარი შევარჩიოთ და იმედები გავამართლოთ. ცეკვა მთიულურს ვამზადებთ, რომელსაც ჩვენი ანსამბლის პატარა ასაკის წევრები შეასრულებენ,“ - განუცხადა „ქიზიყს“ ალექსი გაბრიელაშვილმა.

"ნიჭიერში" მონაწილეობის მისაღებად დედოფლისწყაროდან 8 ან 10 ბიჭის და ამდენივე გოგონას წაყვანა იგეგმება. სცენაზე მხოლოდ პატარა, 7–12 წლამდე მოცეკვავები გამოვლენ. /ქიზიყი/ ილია მარტყოფლიშვილი

გამგებლის საქორწინო მოგზაურობასთან დაკავშირებით ჟურნალისტ გელა მთივლიშვილს უჩივიან

2012-01-30T14:59:00.004+04:00

„საქართველოს ჟურნალისტური ეთიკის ქარტიაში“ 29 იანვარს ორი საჩივარი შევიდა. რომან ქევხიშვილი „კახეთის საინფორმაციო ცენტრის“ (ick.ge გურჯაანი) ხელმძღვანელს, გელა მთივლიშვილს უჩივის, ნატო გოგელია კი - ჟურნალისტ მაია მეცხვარიშვილს ("ნეტგაზეთი"), "სამოქალაქო განვითარების ინსტიტუტის ხელმძღვანელ" ია ანთაძესა და მედიამკვლევარ ნინო დანელიას.

რომან ქევხიშვილის მოსაზრებით, გელა მთივლიშვილმა მასალაში „დედოფლისწყაროს გამგებელი თაფლობის თვის გასატარებლად დუბაიში იმყოფება“, ეთიკის ქარტიის მე-10 პრინციპი დაარღვია, რაც ადამიანის პირადი ცხოვრების ხელშეუხებლობას ითვალისწინებს.

ქევხიშვილი მიიჩნევს, რომ გამგებლის საქორწინო მოგზაურობა მაშინ იქნებოდა განსაკუთრებული ინტერესის საგანი, თუ სახელმწიფო ბიუჯეტიდან დაფინანსდებოდა.
„სხვა შემთხვევაში გამგებელიც ადამიანია და მასაც აქვს პირადი ცხოვრების უფლება. ჩემთვისაც, როგორც ჟურნალისტისთვის, საინტერესოა, რა გადაწყვეტილებას მიიღებს საბჭო ამ საკითხთან დაკავშირებით“, -აღნიშნავს რომან ქევხიშვილი.
მისი თქმით, ick.ge-ს მიერ გამოქვეყნებულ მასალაში თავდაპირველად საუბარი გამგებლის გერებზეც იყო. „მას შემდეგ რაც საჩივარი გავგზავნე, მასალა შეცვალეს და შვილების საკითხი საერთოდ ამოიღეს“, - განაცხადა რომან ქევხიშვილმა.
ქარტიის საბჭოს აღნიშნული საჩივრების დასაშვებობის განხილვისთვის ბოლო ვადა 3 თებერვლამდე აქვს. კონკრეტული გადაწყვეტილების მიღებამდე, ორივე საჩივართან დაკავშირებით, მოპასუხე მხარეები კომენტარს არ აკეთებენ. /media.ge/

მანდატურები I და მე-II საჯარო სკოლებში მარტიდან გამოჩნდებიან

2012-01-29T11:00:00.000+04:00

1 მარტიდან, მანდატურები დედოფლისწყაროს, თელავისა და გურჯაანის საჯარო სკოლებშიც დაინიშნებიან. როგორც „ქიზიყს“ თავად კანდიდატებმა აცნობეს, ისინი თბილისში, შესაბამისი კურსის გასავლელად უკვე გაემგზავრნენ. მომავალი მანდატურები ამ დროისთვის სწავლებას პოლიციის აკადემიაში გადიან.

როგორც რესურს-ცენტრში განაცხადეს, მანდატურების შესვლა პირველ ეტაპზე ქალაქის საჯარო სკოლებშია დაგეგმილი. თითო სკოლაში სავარაუდოდ 3 მანდატური დაინიშნება.

თელავის რაიონში მანდატურები ქალაქის 9 სკოლაში დაინიშნებიან, გურჯაანის რაიონში ქალაქის ოთხივე სკოლაში, ხოლო დედოფლისწყაროს რაიონში კი ქალაქის ორივე სკოლაში.
მანდატურები 2011 წელს უკვე შევიდნენ ქალაქ ყვარლის I და მე-II საჯარო სკოლებში. ახმეტის, ლაგოდეხის და სიღნაღის საჯარო სკოლებში კი მანდატურების დანიშვნა ამ ეტაპზე დაგეგმილი არ არის.

ცნობისთვის, მანდატურის ადგილის დასაკავებლად დედოფლისწყაროში სულ 12 განაცხადი შევიდა. /ქიზიყი/

საგამომცემლო სახლ "ღია ბოქლომის" დამფუძნებელი ჟურნალისტი ილია ჩაჩიბაია დააკავეს

2012-01-28T16:38:00.002+04:00

რუსთაველის გამზირზე პოლიციელებმა საპროტესტო აქციის რამდენიმე მონაწილე დააკავეს. სამართალდამცველებმა აქციის მონაწილეები მას შემდეგ დააკავეს, რაც რუსთაველის გამზირის სავალ ნაწილზე გადასვლა მეორედ სცადეს.

დაკავებულები არიან ჯაბა ჯიშკარიანი, მიხეილ მუმლაძე და ილია ჩაჩიბაია. მანამდე კი, ზაზა სვანაძე დააკავეს. რუსთაველის გამზირზე და მიმდებარე ტერიტორიაზე, ქაშუეთის ეკლესიასთან მობილიზებული იყვნენ პოლიციის თანამშრომლები.

გოგა ხაინდრავამ აქციის მონაწილეთა დაკავებას უკანონო უწოდა და აღნიშნა, რომ ”აქციის მონაწილეები საკუთარ აზრს და პროტესტს გამოხატავდნენ ქვეყანაში არსებულ უკანონობასთან და სანდრო გირგვლიანის მკვლელობასთან დაკავშირებით”.
რუსთაველის გამზირზე საპროტესტო აქციას, როგორც თავად აქციის ორგანიზატორები ამბობენ, სანდრო გირგვლიანის მკვლელობიდან 6 წლისთავთან დაკავშირებით მართავენ. აქციაში რამდენიმე ახალგაზრდული ორგანიზაციისა და ზოგიერთი ოპოზიციური პარტიის წარმომადგენლები მონაწილეობენ.

მიუხედავად იმისა, რომ ჟურნალისტმა ილია ჩაჩიბაიამ პოლიციელებს რამდენჯერმე განუმარტა, რომ პროფესიულ მოვალეობას ასრულებდა და ჟურნალისტი იყო, შსს–ს თანამშრომლებს ეს არ გაუთვალისწინებიათ. ჟურნალისტის გათავისუფლებისკენ პოლიციას სხვა მედიასაშუალებების წარმომადგენლებიც მიუთითებდნენ, თუმცა ამაოდ.

ჩაჩიბაიას განცხადებით, ის ტროტუარიდან იღებდა კადრებს, თუ როგორ აკავებდნენ აქციის მონაწილე ჯაბა ჯიშკარიანს და კიდევ რამდენიმე აქტივისტს.

„კადრების გადაღების დროს, პოლიციელების მხრიდან აქციის მონაწილეთა წინააღმდეგ, ძალის გადამეტება გავაპროტესტე. სწორედ მაშინ მომცვივდნენ პოლიციელები და დამაკავეს. დაკავების მომენტში ჩემმა ნაცნობმა ჟურნალისტებმა დამინახეს და პოლიციელებს უთხრეს რომ ჟურნალისტი ვიყავი. სამართალდამცავებმა მათი თანდასწრებით გამათავისუფლეს, მაგრამ როგორც კი ისევ განვაგრძე დაკავების ფაქტების გადაღება, ისევ დამიჭირეს და მობილური ტელეფონი წამართვეს. პრესბარათი ვაჩვენე, ვუთხარი, რომ ჩემი დაკავების უფლება არ ჰქონდათ, რაც არ გაითვალისწინეს და მანქანაში ჩამტენეს. მათ ჩემი მისამართით ცინიკური და შეურაცმყოფელი საუბარი დაიწყეს. მეუბნებოდნენ: „ ახლა შენმა რადიო „ობიექტივმა“, ოპოზიციამ და ივანიშვილმა გიშველოსო“. უკვე აეროპორტის გზაზე ვიყავით, შინაგან საქმეთა სამინისტროსთან, როცა პოლიციელებს ტელეფონზე უცნობი პიროვნება დაუკავშირდა და სავარაუდოდ ჩემი გაშვება უბრძანა. სწორედ მაშინ ჩამომსვეს მანქანიდან“, – აცხადებს ჩაჩიბაია.

მისივე თქმით, ის როგორც ჟურნალისტი, მოქალაქე და უფლებადამცველი მოითხოვს დაუყოვნებლივ გაათავისუფლონ აქციაზე დაკავებული ახალგაზრდები. /ქიზიყი/